شۆەيتساريا پروكۋراتۋراسى 2012 جىلدان بەرى گۇلنارا كاريموۆاعا قاتىستى ءۇش ءموبيلدى وپەراتوردىڭ وزبەك نارىعىنا كىرۋ ءۇشىن وعان پارا بەردى دەگەن قىلمىستىق ءىستى تەرگەگەن. وزبەكستاننىڭ تۇڭعىش پرەزيدەنتى يسلام كاريموۆتىڭ قىزى ءۇش تەلەكوممۋنيكاتسيالىق كومپانيادان (متس، VimpelCom جانە TeliaSonera) 865 ملن اقش دوللارى كولەمىندە پارا الدى دەگەن كۇدىككە ىلىنگەن.
2020 جىلدىڭ قىركۇيەك ايىندا شۆەيتساريا مەن وزبەكستان ۇكىمەتى كاريموۆانىڭ بۇعاتتالعان اقشاسىن قايتارۋ جونىندە كەلىسىمگە كەلگەن. 2012 جىلى شۆەيتساريا باس پروكۋراتۋراسى كاريموۆانىڭ ەسەپ-شوتىنداعى 800 ملن فرانكتى بۇعاتتاعان.
Bloomberg Law باسىلىمىنىڭ جازۋىنشا، شۆەيتساريا سوتىنىڭ العاشقى ينستانتسياسىندا پرەزيدەنتتىڭ قىزى زاڭدى تۇردە مەملەكەتتىك قىزمەتكەر مارتەبەسىنە يە بولىپ، وزبەكستاننىڭ تەلەكوممۋنيكاتسيا نارىعىنا ىقپالى ۇلكەن بولدى دەلىنگەن. الايدا اپەللياتسيالىق پالاتا شەشىمىنە سايكەس، "مەملەكەتتىك قىزمەتكەردىڭ ءرولىن بۇلاي كەڭ ينتەرپرەتاتسيالاۋ دۇرىس ەمەس".
سونىمەن بىرگە تەرگەۋ ءىسى ءالى ءجۇرىپ جاتقان كەزدە، كاريموۆانىڭ بانكتەردەگى اقشاسىن بۇعاتتاۋ دا زاڭ بۇزۋشىلىق دەگەن شەشىم شىعارعان.
ادۆوكات گرەگۋار مانجا Twitter پاراقشاسىنا 293 ملن فرانكتى تاركىلەۋ شەشىمىنىڭ كۇشى جويىلدى دەپ جازدى.
بۇل دەگەن كاريموۆا بۇعاتتالعان اقشانىڭ جارتىسىن (303 ملن دوللار) ساقتاپ قالۋى مۇمكىن.
2020 جىلدىڭ ناۋرىز ايىندا وزبەكستان بيلىگى گۇلنارا كاريموۆانىڭ شەتەلگە كولەڭكەلى جولمەن شىعارعان 1,3 ملرد دوللارىن قايتارۋى ءۇشىن شۆەيتساري، فرانتسي، رەسەي، لاتۆيا ەلدەرىمەن جۇمىس ىستەپ جاتقانىن مالىمدەگەن.
گۋلنارا كاريموۆا 2015 جىلى بەس جىلعا بوستاندىعى شەكتەلگەن. كەيىن 2019 جىلى ونى جالپى كولونياعا اۋىستىردى. 2020 جىلدىڭ ناۋرىز ايىندا مەملەكەت قارجىسىن تالان-تاراجعا سالدى دەگەن ايىپپەن ونى تاعى 13 جىل، 4 ايعا سوتتادى.
Abai.kz
