سۋ رەسۋرستارى قىزمەتى ديرەكتورىنىڭ ورىنباسارى ابدىباي جايلووباەۆتىڭ ايتۋىنشا، قىرعىزستان تاۋار الماسى تۋرالى كەلىسىمدە كورسەتىلگەن مىندەتتەرىن ورىندادى، بىراق كورشى ەلگە قۇجاتتا كورسەتىلگەن كولەمنەن ارتىق سۋ بەرىلگەن جوق.

"بىلتىر توقتاعۇل قويماسىندا سۋ تاپشى بولعاندىقتان ەنەرگەتيكا مينيسترلىگى قازاقستانمەن 900 ملن كۆت/س ەلەكتر قۋاتىن الۋ جونىندە كەلىسىم جاسادى، ءبىز ونى ءۇش جىلدا – 300 ميلليوننان قايتارامىز. وسى 300 ملن كۆت/س ەلەكتر قۋاتىن الۋ ءۇشىن قويمادان 330 ملن تەكشەمەتر سۋ اعادى، ويتكەنى ءبىز ونسىز قۋات وندىرە المايمىز", - دەيدى جايلووباەۆ.

بۇنىڭ الدىندا قازاقستاندىق اقپارات قۇرالدارى قىرعىزستان قازاقستاندا 330 ملن تەكشەمەتر سۋ جىبەرەتىنىن جازعان. مالىمەتتى جۋرناليستەرگە قازاقستان ەكولوگيا، گەولوگييا جانە تابيعي رەسۋرستار ءمينيسترى سەرىكقالي برەكەشەۆ بەرگەن.

قىرعىزستان ءبىر جىلدا شامامەن 15 ملرد كۆت/س ەلەكتر قۋاتىن تۇتىنادى. توقتاعۇل قويماسىنداعى سۋدى ۇنەمدەۋ ماقساتىندا قىرعىز ۇكىمەتى بىلتىر قازاقستان، وزبەكستان جانە تۇركىمەنستاننان 2 ملرد كيلوۆاتت-ساعات ەلەكتر قۋاتىن العان. سول كەزدە بيلىك تۇرعىنداردى ەلەكتر قۋاتىن ۇنەمدەۋگە شاقىرعان.

Abai.kz