رەسەيدىڭ مەملەكەتتىك تاسس اقپارات اگەنتتىگىنىڭ حابارلاۋىنشا، كراسنوۆ تاجىكستاندىق ارىپتەسى يۋسۋف راحمونمەن كەزدەسكەندە بىلاي دەگەن: "قازىر ۋكرايناداعى جاعدايعا بايلانىستى قاۋىپ-قاتەر تەك ءورشىپ جاتىر. بۇگىن ءبىزدىڭ ەلدەر جاڭا قاۋىپ-قاتەردىڭ الدىندا تۇر. سەبەبى، تمد ەلدەرىنىڭ ازاماتتارى ۋكراينادا ورىس ارمياسىنا قارسى سوعىسىپ ءجۇر".

كراسنوۆ بۇل قاۋىپتىڭ الدىن الۋى ءۇشىن قۇقىق قورعاۋ ورگاندارى ءوزارا ارەكەت ەتۋى قاجەت دەگەن.

بۇل مالىمدەمەگە تاجىك تاراپى نە دەپ جاۋاپ بەرگەنى بەلگىسىز، سەبەبى تاجىك اقپارات قۇرالدارىندا بۇل كەزدەسۋ جايلى جازىلماعان.

رەسەيلىك باق-تىڭ مالىمەتىنشە، 26 شىلدەدە دۋشانبەدە يگور كراسنوۆ پەن يۋسۋف راحمون ەكى مەكەمە اراسىنداعى 2024 جىلعا دەيىن تەرروريزم جانە ەكسترەميزمگە قارسى، قىلمىستىق ارەكەتتەرگە قارسى بىرلەسىپ كۇرەسۋ جونىندە كەلىسىمگە قول قويعان.

Abai.kz