الماتى وبلىسىنا جۇمىس ساپارىمەن كەلگەن پارلامەنت ءماجىلىسىنىڭ دەپۋتاتتارى - «AMANAT» پارتياسى فراكتسياسىنىڭ مۇشەلەرى ماقپال تاجماعامبەتوۆا مەن جاننا تەلپەكباەۆا قوناەۆ قالاسىنداعى 900 ورىندىق مەكتەپ قۇرىلىسىمەن تانىستى.

«بۇل نىساننىڭ قۇرىلىس جۇمىستارىنا «ەڭبەك» باعدارلاماسى ارقىلى 150 ادام جۇمىسقا تارتىلعان. قۇرىلىس جۇمىستارىنا ءبىز تولىقتاي وتاندىق ونىمدەردى قولدانىپ جاتىرمىز.

قۇرىلىس جۇمىسىن حالىق قالاۋلىلارى باقىلاپ وتىر. سونداي-اق عيمارات كەلەسى جىلى  تولىعىمەن پايدالانۋعا بەرىلەدى» -  دەدى مەردىگەر  بەكزات مولدابەكوۆ.

قۇرىلىس جۇمىستارىن ارالاپ كورگەن ءماجىلىس دەپۋتاتتارى بىرقاتار ماسەلەلەرگە نازار اۋداردى.

– مەردىگەرلەر مەكتەپتى ۋاقىتىندا اياقتاۋى ءتيىس. ارينە، ءبىرىنشى كەزەكتە مەكتەپتىڭ قۇرىلىسى جوعارعى دەڭگەيدە  بولسا دەيمىز. سونىمەن بىرگە ساپالى قۇرال-جابدىقتارمەن قامتاماسىز ەتىلۋىن، بارلىق ستاندارتتارعا  ساي بولۋىن، ياعني قۇرال-جابدىقتارعا، زەرتحانالاردىڭ  دۇرىس ورنالاسۋىنا دا باقىلاۋ قاجەت،  - دەدى ءماجىلىس دەپۋتاتى ماقپال مازاققىزى.

جاڭا ءبىلىم نىسانىندا بالالاردىڭ ساپالى ءبىلىم الۋىنا بارلىق جاع­داي جاسالماق. مەكتەپتە وقۋ كا­بينەتتەرىمەن قاتار، تەحنولوگيالاردى وڭدەۋ شەبەرحا­ناسى، سپورت زالى، ءماجىلىس زالى، اسحانا، كومپيۋتەرلىك سىنىپتار، مەدي­تسينا كابينەتى بولادى.

سونىمەن قاتار، حالىق قالاۋلىلارى قالا اكىمشىلىگىنە  مەملەكەت قارجىسىنا سالىنىپ جاتقان نىساننىڭ ساپاسىنا ەرەكشە ءمان بەرۋدى تاپسىردى جانە سالا باسشىلارىنىڭ ءوتىنىش­تەرىنە قۇلاق ءتۇرىپ، ءبىلىم سالاسىن­داعى ماسەلەلەردى نازارعا الاتىندارىن  جەتكىزدى. ءبىلىم مەكەمە­لەرىندە سانيتارلىق قۇرالداردىڭ تولىق بولۋى مەن تالاپتاردىڭ قاتاڭ ساقتالۋى كەرەگىن ەسكەرتتى.

جاڭا عيماراتتىڭ پايدالانۋعا بەرىلۋ ۋاقىتى كەلەسى جىلدىڭ قاڭتار ايى دەپ جوسپارلانۋدا. قازىرگى تاڭدا قۇرىلىس جۇمىستارى 50 پايىزعا اياقتالعان.

Abai.kz