ۇلتتىق ەكونوميكا مينيسترلىگى شاعىن كاسىپكەرلىك سۋبەكتىلەرىن تەكسەرۋگە تىيىم سالۋدى 2024 جىلعا دەيىن ۇزارتۋ تۋرالى پرەزيدەنت جارلىعىنىڭ جوباسىن دايىندادى. قۇجات "اشىق نقا" رەسمي پورتالىندا جاريالاندى. 

ەل پرەزيدەنتىنىڭ "قازاقستان رەسپۋبليكاسىندا تەكسەرۋلەر مەن پروفيلاكتيكالىق باقىلاۋ مەن قاداعالاۋدى جۇرگىزۋگە بارۋ ارقىلى موراتوري ەنگىزۋ تۋرالى" جارلىعىنىڭ جوباسىنا سايكەس 2023 جىلعى 1 قاڭتاردان باستاپ 2024 جىلعى 1 قاڭتارعا دەيىن ورتالىق مەملەكەتتىك جانە جەرگىلىكتى اتقارۋشى ورگاندار شاعىن كاسىپكەرلىك، ونىڭ ىشىندە ميكروكاسىپكەرلىك سۋبەكتىلەرىنە قاتىستى مەملەكەتتىك ورگانداردىڭ باستاماسى بويىنشا جۇرگىزىلەتىن مەملەكەتتىك باقىلاۋ مەن قاداعالاۋدى توقتاتۋعا مىندەتتى.

اتاپ ايتساق:

• سەنىمدى نەگىزدەر جانە راستايتىن دالەلدەمەلەر بولعان كەزدە قازاقستان رەسپۋبليكاسى زاڭناماسىنىڭ تالاپتارىن بۇزۋ بويىنشا جەكە جانە زاڭدى تۇلعالاردىڭ جولدانىمدارى;
• ادام ومىرىنە، دەنساۋلىعىنا، قورشاعان ورتاعا جانە جەكە جانە زاڭدى تۇلعالاردىڭ، مەملەكەتتىڭ زاڭدى مۇددەلەرىنە زيان كەلتىرۋدىڭ ناقتى دەرەكتەرى بويىنشا نە زيان كەلتىرۋ قاتەرى تۋرالى پروكۋراتۋرا ورگاندارىنىڭ تاپسىرمالارى;
• ادامنىڭ ومىرىنە، دەنساۋلىعىنا، قورشاعان ورتاعا جانە جەكە جانە زاڭدى تۇلعالاردىڭ، مەملەكەتتىڭ زاڭدى مۇددەلەرىنە زيان كەلتىرۋدىڭ، سونداي-اق جويىلماۋى ادامنىڭ ءومىرى مەن دەنساۋلىعىنا زيان كەلتىرۋگە الىپ كەلەتىن قازاقستان رەسپۋبليكاسى زاڭناماسىنىڭ تالاپتارىن بۇزۋدىڭ ناقتى دەرەكتەرى بويىنشا مەملەكەتتىك ورگانداردىڭ جولدانىمدارى;
• باقىلاۋ مەن قاداعالاۋ سۋبەكتىسىنىڭ باستاپقى تەكسەرۋمەن كەلىسپەيتىنى تۋرالى جۇگىنۋىنە بايلانىستى قايتا تەكسەرۋ (جەدەل دەن قويۋ شارالارىن قولدانۋدىڭ قۇقىققا سىيىمسىزدىعى);
• قىلمىستىق قۋدالاۋ ورگانىنىڭ قازاقستان رەسپۋبليكاسىنىڭ قىلمىستىق-پروتسەستىك كودەكسىندە كوزدەلگەن نەگىزدەر بويىنشا تاپسىرماسى;
• سالىق تولەۋشىنىڭ جولدانىمدارى، "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" قازاقستان رەسپۋبليكاسىنىڭ كودەكسىندە (سالىق كودەكسى) ايقىندالعان مالىمەتتەر مەن ماسەلەلەر;
• قازاقستان رەسپۋبليكاسىنىڭ كاسىپكەرلىك كودەكسىنە جانە قازاقستان رەسپۋبليكاسىنىڭ زاڭناماسىنا سايكەس نەگىزىندە جۇزەگە جۇرگىزىلەتىن باقىلاۋ ساتىپ الۋ تۇرىندەگى تەرگەپ-تەكسەرۋ جانە پروفيلاكتيكالىق باقىلاۋ;
• كولىكتەگى قاۋىپسىزدىك تالاپتارىن ساقتاۋ تۇرعىسىنان كولىكتىك باقىلاۋ بەكەتتەرىندە اۆتوموبيل كولىگى قۇرالدارىنىڭ قازاقستان رەسپۋبليكاسىنىڭ اۋماعى ارقىلى ءجۇرىپ وتۋىنە بايلانىستى تەكسەرۋلەر;
• ءتىرى مالدى، جانۋارلاردان جانە (نەمەسە) وسىمدىكتەردەن الىناتىن ءونىم مەن شيكىزاتتى وتكىزەتىن ساۋدا بازارلارىندا، جانۋارلاردان جانە (نەمەسە) وسىمدىكتەردەن الىناتىن ونىمدەر مەن شيكىزاتتى بىرىڭعاي تەحنولوگيالىق تسيكلدە ءوندىرۋدى، دايىنداۋدى (مال سويۋدى), ساقتاۋدى، قايتا وڭدەۋدى جۇزەگە اسىراتىن ۇيىمداردا مەملەكەتتىك ۆەتەريناريالىق-سانيتاريالىق باقىلاۋ مەن قاداعالاۋدى جانە مەملەكەتتىك كارانتيندىك فيتوسانيتاريا باقىلاۋ مەن قاداعالاۋعا بايلانىستى تەكسەرۋلەر;
• كارانتيندىك ايماقتاردا جانە كارانتيندىك ايماقتارداعى جانە جانۋارلاردىڭ اسا قاۋىپتى اۋرۋلارىنىڭ قولايسىز پۋنكتتەرىندەگى، وشاقتارىنداعى، كارانتيندىك وبەكتىلەردىڭ، اسا قاۋىپتى زياندى ورگانيزمدەردىڭ تارالۋ وشاقتارىنداعى ءىس-شارالاردى مەملەكەتتىك باقىلاۋعا جانە قاداعالاۋعا بايلانىستى تەكسەرۋلەر;
• قازاقستان رەسپۋبليكاسىنىڭ مەملەكەتتىك اۋديت جانە قارجىلىق باقىلاۋ تۋرالى زاڭناماسىنا سايكەس جۇرگىزىلەتىن، رەسپۋبليكالىق جانە جەرگىلىكتى بيۋدجەتتەردى جوسپارلاۋ مەن اتقارۋ ماسەلەلەرىن رەتتەيتىن وزگە دە نورماتيۆتىك قۇقىقتىق اكتىلەر تالاپتارىنىڭ ساقتالۋىنا بايلانىستى تەكسەرۋلەر;
• "رۇقساتتار جانە حابارلامالار تۋرالى" قازاقستان رەسپۋبليكاسىنىڭ زاڭىندا كوزدەلگەن جاعدايلاردا جانە ەگەر قازاقستان رەسپۋبليكاسىنىڭ زاڭناماسىندا رۇقساتتىق باقىلاۋ كوزدەلگەن بولسا، رۇقسات جانە (نەمەسە) رۇقساتقا قوسىمشا بەرىلگەنگە دەيىن ءوتىنىش بەرۋشىنىڭ بىلىكتىلىك نەمەسە رۇقسات بەرۋ تالاپتارىنا سايكەستىگىنە رۇقساتتىق باقىلاۋعا بايلانىستى تەكسەرۋلەر;
• كەدەن ءىسى سالاسىنداعى مەملەكەتتىك باقىلاۋعا بايلانىستى تەكسەرۋلەر;
• قازاقستان رەسپۋبليكاسىنىڭ مەملەكەتتىك شەكاراسىن كەسىپ وتۋگە بايلانىستى تەكسەرۋلەر;
• پروكۋراتۋرا جۇزەگە اسىراتىن جوعارى قاداعالاۋعا بايلانىستى تەكسەرۋلەر;
• قىلمىستىق ءىس بويىنشا سوتقا دەيىنگى ءىس جۇرگىزۋ بارىسىندا باقىلاۋعا جانە قاداعالاۋعا بايلانىستى تەكسەرۋلەر;
• تەرروريستىك تۇرعىدان وسال وبەكتىلەردىڭ تەرروريزمگە قارسى قورعالۋىن قامتاماسىز ەتۋ بولىگىندە قازاقستان رەسپۋبليكاسىنىڭ تەرروريزمگە قارسى ءىس-قيمىل تۋرالى زاڭناماسى تالاپتارىنىڭ ساقتالۋىنا بايلانىستى تەكسەرۋلەر;
• ارەكەتتەرىندە كارتەل بەلگىلەرى بايقالاتىن مەملەكەتتىك ساتىپ الۋعا قاتىسۋشىلارعا قاتىستى قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسى تالاپتارىنىڭ ساقتالۋىن تەكسەرۋلەر.

Abai.kz