جامبىل وبلىسىنا جۇمىس ساپارى بارىسىندا قر پارلامەنتى ءماجىلىسىنىڭ دەپۋتاتتارى مەيرامبەك تولەپبەرگەن مەن گۇلدارا نۇرىموۆا قاراكەمەر اۋىلىنداعى دارىگەرلىك امبۋلاتوريا قۇرىلىسىمەن تانىستى. سونداي-اق حالىق قالاۋلىلارى امبۋلاتوريا قۇرىلىسىن جۇرگىزىپ جاتقان «قازمۇنايقۇرىلىس» جشس وكىلدەرىمەن جانە جۇمىسشىلارىمەن كەزدەسىپ، قۇرىلىس جۇمىستارىنداعى پروبلەمالىق ماسەلەلەردى تالقىلادى.

ءماجىلىس دەپۋتاتى مەيرامبەك تولەپبەرگەن بۇل «AMANAT» پارتياسىنىڭ 2021-2025 جىلدارعا ارنالعان «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىن ىسكە اسىرۋ جونىندەگى  جول كارتاسى اياسىندا  بوي كوتەرىپ جاتقان الەۋمەتتىك نىسان ەكەنىن ايتا كەلىپ، قۇرىلىس جۇمىسىنىڭ ساپاسى مەن جوسپارلى ۋاقىتتا اياقتالۋى دەپۋتاتتاردىڭ باقىلاۋىندا ەكەنىن  جەتكىزدى.

ايتا كەتۋ كەرەك، نىسان قۇرىلىسى وتكەن جىلدىڭ 19 قازانىندا باستالعان. جاقىن ۋاقىتتا پايدالانۋعا بەرىلمەك. 1600-دەن استام حالقى اۋىل حالقىنا قىزمەت ەتەتىن مامانداردا دايىن. ال اۋدان اكىمدىگى دارىگەرلىك امبۋلاتوريانىڭ بۇرىنعى ەسكى عيماراتىن تۇرعىن ءۇي رەتىندە قايتا جاساقتاپ، اۋىل دارىگەرلەرىن باسپانامەن قامتاماسىز ەتپەك.

Abai.kz