بۇگىن ءماجىلىس دەپۋتاتتارى ءامىرحان راحىمجانوۆ پەن جانات وماربەكوۆا "Amanat" پارتياسى سەمەي فيليالىنىڭ اكتيۆىمەن كەزدەستى.

ارىپتەستەرىنىڭ الدىندا سويلەگەن سوزىندە ماجىلىسمەندەر ەل پرەزيدەنتى قاسىم-جومارت توقاەۆتىڭ جاڭا قازاقستاندى قۇرۋ باعىتىنداعى ماڭىزدى باستامالار جانە ەلىمىزدە جۇرگىزىلىپ جاتقان كونستيتۋتسيالىق وزگەرىستەر تۋرالى قىسقاشا حاباردار ەتتى.

دەپۋتاتتار قازاقستاندىقتارعا ءتۇرلى سالالارداعى رەفورمالاردى جۇزەگە اسىرۋعا بەلسەندى قاتىسۋعا مۇمكىندىك بەرەتىن ەلىمىزدىڭ ساياسي ومىرىندەگى وزگەرىستەر تۋرالى بارىنشا كوبىرەك بىلۋگە ءتيىس ەكەنىن اتاپ ءوتتى.

كەزدەسۋ بارىسىندا سەمەيلىكتەر اتاپ وتكەن وسى وڭىرگە ءتان وزەكتى ماسەلەلەردىڭ ءبىرى جانە بىرەگەيى جولداردىڭ ناشارلىعى.

دەپۋتات ءامىرحان راحىمجانوۆ ءوزىنىڭ اقسۋات، كوكپەكتى، كاتونقاراعاي اۋداندارىندا جانە جاڭادان قۇرىلعان اباي وبلىسىنىڭ كۋرچاتوۆ قالاسىندا بولعانىن العا تارتىپ، جولداردىڭ سىن كوتەرمەيتىندىگىنە ءوزى دە كۋا بولعانىن ايتتى. دەگەنمەن، بۇگىندە جاعداي ازداپ وزگەرگەن.

- ارينە، قالعان ۋاقىت ىشىندە 405 شاقىرىم جولدى جوندەۋ مۇمكىن ەمەس. مايقاپشاعاي جاعىنان زايسانعا، كوكپەكتىدەن قالباتاۋعا دەيىنگى جولدى دا جوندەۋ باستالدى. اقسۋات شەكاراسىنان كوكپەكتىگە دەيىنگى جولدار مۇلدە قولعا الىنباعان. ەگەر بيىلعى جىلى ەڭ بولماعاندا 100 شاقىرىم جول ءجۇرىپ ۇلگەرسە، بۇل ۇلكەن العا جىلجۋ بولماق، - دەدى ءامىرحان راحىمجانوۆ.

جانات وماربەكوۆا ءوز كەزەگىندە، قالانىڭ ەسكى عيماراتتارىن ساقتاۋ قاجەتتىلىگىن ايتىپ، بۇل باعىتتا جۇمىس مادەنيەت مينيسترلىگىمەن بىرلەسىپ جۇرگىزىلىپ جاتقانىن تىلگە تيەك ەتتى.

دەپۋتات قازاقستانداعى ءتۋريزمدى دامىتۋ الەۋەتىنە سەنىمدى. ەلدە تاريحي ورىندار جەتكىلىكتى. ماسەلە تەك ءاربىر قازاقستاندىق مادەني مۇرانى ساقتاۋ جانە تۋريستەردى تارتۋ ءۇشىن ورتاق ورتاق قۇندىلىقتاردى قادىرلەۋگە جۇمىلا كىرىسۋ كەرەك. جانات وماربەكوۆا جاڭا قازاقستاندى قۇرۋعا ءاربىر ازاماتتىڭ قاتىسۋى ماڭىزدى دەپ ەسەپتەيدى. كەزدەسۋ بارىسىندا باسقا دا الەۋمەتتىك وزەكتى ماسەلەلەر قوزعالىپ، ۇسىنىس-پىكىرلەر ايتىلدى.

Abai.kz