موڭعوليانىڭ بىرقاتار بۇقارالىق اقپارات قۇرالدارىنا ساياسي قايراتكەر عالىمجان جاقيانوۆتىڭ تەرگەلىپ جاتقانى تۋرالى اقپارات جاريالاندى. باسىلىمدار قازاقستاندىق ساياساتكەردىڭ تاۋ-كەن جۇمىستارىنا قاتىستى موڭعول قوعامىنىڭ نارازىلىعىن تۋعىزعانىن جانە ۇستىنەن ءىس قوزعالعانىن جازدى.

Tsahiur.mn ينتەرنەت-پورتالىنىڭ حابارلاۋىنشا، عالىمجان جاقيانوۆ موڭعوليادا تاۋ-كەن وندىرۋمەن اينالىساتىن ALGT تاۋ-كەن كومپانياسىنىڭ ديرەكتورى. كومپانيانىڭ شيكىزاتتى ەكسپورتتاۋى موڭعول حالقىنىڭ نارازىلىعىن تۋعىزعان. ۇيىم باسشىسى جاقيانوۆ موڭعوليا بايلىعىن جىمقىردى دەپ ايىپتالىپ وتىر.

Zuuna Madee باسىلىمى قازاقستاندىق ساياساتكەردىڭ قازىر تەرگەلىپ جاتقانىن حابارلادى. جۋرناليستەردىڭ ايتۋىنشا، موڭعوليانىڭ قۇقىق قورعاۋ ورگاندارىنا جاقيانوۆ قىتايلىق كومپانيانى الداعانى تۋرالى ارىز تۇسكەن. ول ۇيقاماققا الىندى، تەرگەۋ جالعاسۋدا.

ونىڭ ۇستىنە جاقيانوۆقا موڭعوليانىڭ مەملەكەتتىك بيۋدجەتىنە سالىق تولەمەگەنى ءۇشىن ايىپ تاعىلدى. وعان قوسا، باسىلىم اتاپ وتكەندەي، ساياساتكەر ەلدىڭ پايدالى قازبالارىن يگەرۋ جولى موڭعول جۇرتشىلىعىنىڭ مۇددەسىنە قايشى كەلەدى.

بۇعان دەيىن، 2015 جىلدان بەرى بەلگىلى جۋرناليست گۇلجان ەرعاليەۆا بىرنەشە سوت وتىرىسىنان كەيىن ع.جاقيانوۆقا قارىزعا بەرگەن اقشاسىن ارەڭ قايتارىپ العان.

اقشا تەك سوتتىڭ تىكەلەي شەشىمىمەن جانە وسىعان بايلانىستى جاۋاپكەرگە قويىلعان شەكتەۋلەرمەن قايتارىلدى.

Abai.kz