قازاقستان مەن وزبەكستان ورتاق شەكارانى دەماركاتسيالاۋ جوباسىن ماقۇلدادى. بۇل تۋرالى قازاقستان سىرتقى ىستەر مينيسترلىگى حابارلادى.

25 شىلدە مەن 5 تامىز ارالىعىندا الماتىدا قازاق-وزبەك ۇكىمەتتەرى دەلەگاتسياسىنىڭ كەزەكتى وتىرىسى وتكەن. سول جيىندا ەكى ەل اراسىنداعى مەملەكەتتىك شەكارانى دەماركاتسيالاۋ جوباسى بەكىتىلدى.

"كەلىسسوز بارىسىندا تاراپتار قازاقستان مەن وزبەكستان اراسىنداعى قازاقستان-وزبەكستان مەملەكەتتىك شەكاراسىن شەگەندەۋ تۋرالى شارت جوباسىنىڭ ءماتىنىن كەلىسۋدى جانە شەكارانى دەماركاتسيالاۋدىڭ قورىتىندى قۇجاتتارى جوبالارىنىڭ پاكەتىن قالىپتاستىرۋدى اياقتادى" دەپ جازىلعان ءسىم حابارلاماسىندا.

كەلەسى كەزدەسۋ وزبەكستاندا وتەدى.

Abai.kz