تۇرىكتىڭ Baykar كومپانياسى ۋكراينا جەرىندە "بايراكتار" اسكەري درونىن شىعاراتىن زاۋىت سالادى. بۇل جونىندە تۇركياداعى ۋكراينا ەلشىسى ۆاسيلي بودنار حابارلادى.

ديپلوماتتىڭ سوزىنشە، Baykar زاۋىتىن سالۋ ءۇشىن جەر بولىنگەن. جاقىندا سوچيدە وتكەن رەسەي مەن تۇركيا پرەزيدەنتتەرىنىڭ كەزدەسۋى كەزىندە تۇرىك ليدەرى رەجەپ ەردوعان ۆلاديمير پۋتين Baykar كومپانياسىمەن ارىپتەستىك ورناتۋدىڭ جولىن ىزدەپ جاتىر دەپ مالىمدەگەن.

كەيىن Baykar كومپانياسى رەسەيمەن ارىپتەستىك ورناتۋ ماسەلەسىن مۇلدەم قارامايدى دەدى. 18 شىلدەدە CNN تەلەكانالىنا بەرگەن سۇقبات كەزىندە Baykar كومپانياسىنىڭ اتقارۋشى ديرەكتورى حالۋك بايراكتار ۋكراينا تۇتاستىعىن قولدايتىنىن، رەسەيگە ەشقاشان درون ساتپايتىنىن جەتكىزگەن.

تۇرىك دروندارى 2021 جىلدان باستاپ ۋكراين ارمياسىنا بەرىلىپ كەلەدى. بۇل ماسكەۋدىڭ اشۋىن تۋعىزعان. ناتيجەسىندە كومپانيا كيەۆكە "بايراكتار" ساتۋدى قۇپيالاندىردى. Baykar كومپانياسىنىڭ يەسىنىڭ ءبىرى ءارى تەحنيكالىق ديرەكتور سەلچۋك بايراكتار رەجەپ ەردوعاننىڭ كۇيەۋ بالاسى بولىپ كەلەدى.

Abai.kz