10 تامىزدا ماڭعىستاۋ وبلىسىنىڭ جەدەل جاردەم قىزمەتكەرلەرى ۆيدەوۇندەۋ جاريالاپ، ورتاشا جالاقىلارىن 350 مىڭ تەڭگەگە دەيىن ءوسىرۋدى تالاپ ەتتى. نارازىلىققا جاڭاوزەن، اقتاۋ مەن بەينەۋ اۋدانى، اقشۇقىر جانە وزگە ەلدى مەكەندەگى جەدەل جاردەم قىزمەتكەرلەرى شىعىپ وتىر.

العاشقى ۆيدەوۇندەۋ جاڭاوزەن قالالىق جەدەل جاردەم ستانتسياسىنىڭ جۇرگىزۋشىسى مۇرات بەلباەۆتىڭ Facebook پاراقشاسىندا جاريالاندى. مۇرات بەلباەۆتىڭ ازاتتىققا ايتۋىنشا، ۆيدەودا اقتاۋ قالاسىنىڭ جەدەل جاردەم قىزمەتكەرلەرى ۇندەۋ جاساعان جانە مۇنداي ۆيدەونى بەينەۋ اۋدانى جۇمىسشىلارى دا تۇسىرگەن. ۆيدەودا جۇمىسشىلار قازاقستان پرەزيدەنتى قاسىم-جومارت توقاەۆتى، پرەمەر-مينيستر ءاليحان سمايىلوۆتى، دەنساۋلىق ساقتاۋ ءمينيسترى اجار عينايات جانە ماڭعىستاۋ وبلىسىنىڭ اكىمى نۇرلان نوعاەۆتى ماسەلەگە نازار اۋدارۋعا ۇندەيدى.

بەينەۋ اۋدانىنىڭ جەدەل جاردەم ستانتسياسىندا ىستەيتىن جۇرگىزۋشى جادىگەر كەمالوۆ 40 مىڭ تەڭگە قىسقارسا، جۇمىسشىلار جالاقىسى 110-120 مىڭ تەڭگەگە ءتۇسىپ قالادى، قىمباتشىلىق جاعدايدا مۇنداي جالاقىعا كۇن كورۋ قيىن ەكەنىن ايتادى.

بۇل ماڭعىستاۋداعى جەدەل جاردەم ستانساسى قىزمەتكرەلەرىنىڭ العاشقى نارازىلىعى ەمەس. بيىل قاڭتاردا اقتاۋدا جالاقىنى كوبەيتۋدى تالاپ ەتكەن جەدەل جاردەم جۇرگىزۋشىلەرى جينالىپ، جالاقىلارىنا 23 پايىز ۇستەماقى قوسۋعا قول جەتكىزگەن.

Abai.kz