ماسكەۋدەگى وزبەكستان ەلشىلىگى شەتەلدە ەرىكتى باتالونىن قۇرىپ، بوتەن اۋماقتا سوعىسقا قاتىسقان ازاماتتارى قىلمىستىق جاۋاپكەرشىلىككە تارتىلاتىنىن ەسكەرتتى.

وزبەكستان ەلشىلىگىنىڭ رەسمي سايتىندا جازىلعانداي، شەتەلدە ءجۇرىپ، سوعىس ارەكەتتەرىنە قاتىسقان وزبەك ازاماتتارى 10 جىلعا دەيىن باس بوستاندىعىنان ايىرىلۋى مۇمكىن.

سونىمەن بىرگە ەلشىلىك ميگرانتتاردى "ەشقانداي ارانداتۋ ارەكەتتەرىنە ەرمەي، ساق بولۋعا" شاقىرادى. وزبەكستاننىڭ ەڭبەك ميگراتسياسى جونىندەگى اگەنتتىك دە شەتەلدە جۇرگەن ازاماتتارىن ءارتۇرلى ەرىكتى اسكەري توپتارعا قوسىلماۋعا شاقىرعان.

وزبەكستاننىڭ رەسمي وكىلدەرىنىڭ مۇنداي مالىمدەمە تاراتۋىنا “پەرم ايماعىنداعى ورتالىق ازيا وزبەكتەرى قوعامى" ليدەرى جاحونگير جالولوۆتىڭ ۋكرايناداعى سوعىسقا قاتىسۋ ءۇشىن تەمىرلان اتىنداعى باتالون قۇرۋدى ۇسىنعان مالىمدەمەسى سەبەپ بولىپ وتىر. ونىڭ ۆيدەو ۇندەۋىن Vetta تەلەكانالى جاريالادى.

ء"بىزدىڭ بالالار بالاباقشاعا بارادى، مەكتەپتەردە جانە ۋنيۆەرسيتەتتەردە ءبىلىم الادى. ءبىز رەسەيدە تۇرىپ، جۇمىس ىستەپ جاتىرمىز. ءبىز جەگەن ناندى اقتاۋعا مىندەتتىمىز. ەرىكتى باتالون قۇرىپ، ونى ءامىر تەمىر [تەمىرلان] دەپ اتاۋدى سۇرايمىن", - دەگەن ۇندەۋىندە جالولوۆ.

Abai.kz