10 تامىزدان باستاپ ەۋرووداقتا ورىس كومىرىن يمپورتتاۋعا تىيىم سالۋ جونىندەگى جارلىق كۇشىنە ەندى. ەۋروپالىق وداققا مۇشە مەملەكەتتەر مۇنداي شەشىمگە ءساۋىر ايىندا كەلگەن. بۇل - رەسەيدىڭ ۋكرايناعا باسىپ كىرۋىنە قارسى سالىنعان سانكتسيالاردىڭ ءبىرى.

بۇگىن ۇلىبريتانيا دا رەسەي كومىرىنەن باس تارتتى. ەۋروكوميسسيانىڭ باعاسى بويىنشا بۇل سانكتسيادان رەسەي جىلىنا 8 ملرد دوللار جوعالتادى. ەۋرووداق بۇدان بىلاي سولتۇستىك امەريكا، كولۋمبيا، وڭتۇستىك افريكا ەلدەرى مەن قازاقستاننان كومىر الا باستايدى.

ەۋرووداق ورىس كومىرىن الۋدى توقتاتقاننان كەيىن، رەسەي كومىرىن ءۇندىستان مەن تۇركياعا باستاپقى باعاسىنان 50 پايىز جەڭىلدىكپەن ەكسپورتتاي باستادى.

جىل سوڭىنا قاراي ەۋروپا ەلدەرى ورىس مۇنايىنان بىرتىندەپ باس تارتادى. اقش بولسا، ناۋرىز ايىنان باستاپ رەسەيدەن مۇناي، گاز جانە كومىر يمپورتتاۋعا تىيىم سالعان.

Abai.kz