اتىراۋ وبلىسى اكىمىنىڭ ورىنباسارى باقىتگۇل حامەنوۆا سوتتا وزىنە تاعىلعان ايىپتى مويىنداعان جوق. بۇدان بۇرىن اتىراۋدا باقىتگۇل حامەنوۆاعا قاتىستى سوت ءوتىپ جاتقانىن جازعان ەدىك. باقىتگۇل حامەنوۆاعا قاتىستى ءىس اتىراۋداعى №2 قالالىق سوتتا قارالىپ جاتىر.

سوتتا باقىتگۇل حامەنوۆا وزىنە تاعىلعان ايىپتى مويىندامايتىنىن ءمالىم ەتتى.

باقىتگۇل حامەنوۆا مەن اقىلبەك رىسقاليەۆتىڭ ءىسى قر قىلمىستىق كودەكسىنىڭ 366-بابىنىڭ 3-بولىگىنىڭ 3-تارماعىمەن تەرگەلگەن. ال، «بالقىتۋ» جشس ديرەكتورى ءومىرتاي اداموۆ قر قىلمىستىق كودەكستىڭ 367-بابىنىڭ 2-بولىگىمەن تەرگەۋگە الىنعان.

باقىتگۇل حامەنوۆا ىسىنە قاتىستى ايىپتاۋ اكتىسى 55 بەتتى قۇراعان.

اتىراۋ وبلىسى اكىمىنىڭ ورىنباسارى قىزمەتىن اتقارعان باقىتگۇل حامەنوۆا اباي ەسكەرتكىشىن ورناتۋعا بولىنگەن قاراجاتتان پارا الدى دەگەن كۇدىكپەن ۇستالدى. ول بىلتىرعى جەلتوقسان ايىندا ۇستالىپ، تەرگەۋ يزولياتورىنا قاماۋعا الىنعان.

باقىتگۇل حامەنوۆا 2020 جىلعى 13 ناۋرىزدا اتىراۋ وبلىسى اكىمىنىڭ ورىنباسارى بولىپ تاعايىندالعان بولاتىن. ول بۇل تاعايىنداۋعا دەيىن التىنشى سايلانعان پارلامەنت ءماجىلىسىنىڭ دەپۋتاتى بولعان.

Abai.kz