Atyrau oblysy әkimining orynbasary Baqytgýl Hamenova sotta ózine taghylghan aiypty moyyndaghan joq. Búdan búryn Atyrauda Baqytgýl Hamenovagha qatysty sot ótip jatqanyn jazghan edik. Baqytgýl Hamenovagha qatysty is Atyraudaghy №2 qalalyq sotta qaralyp jatyr.

Sotta Baqytgýl Hamenova ózine taghylghan aiypty moyyndamaytynyn mәlim etti.

Baqytgýl Hamenova men Aqylbek Rysqaliyevtyng isi QR Qylmystyq kodeksining 366-babynyng 3-bóligining 3-tarmaghymen tergelgen. Al, «Balqytu» JShS diyrektory Ómirtay Adamov QR Qylmystyq kodeksting 367-babynyng 2-bóligimen tergeuge alynghan.

Baqytgýl Hamenova isine qatysty aiyptau aktisi 55 betti qúraghan.

Atyrau oblysy әkimining orynbasary qyzmetin atqarghan Baqytgýl Hamenova Abay eskertkishin ornatugha bólingen qarajattan para aldy degen kýdikpen ústaldy. Ol byltyrghy jeltoqsan aiynda ústalyp, tergeu izolyatoryna qamaugha alynghan.

Baqytgýl Hamenova 2020 jylghy 13 nauryzda Atyrau oblysy әkimining orynbasary bolyp taghayyndalghan bolatyn. Ol búl taghayyndaugha deyin altynshy saylanghan Parlament Mәjilisining deputaty bolghan.

Abai.kz