"تاليبان" قوزعالىسىنىڭ جاۋىنگەرلەرى "نان، جۇمىس، بوستاندىق" دەگەن ۇرانمەن كابۋل كوشەلەرىنە دەمونستراتسياعا شىققان ايەلدەردى كۇشپەن تاراتتى.

13 تامىزدا 40-قا جۋىق ايەل قۇقىقتارى مەن بوستاندىقتارى شەكتەلىپ جاتقانىنا قارسى بولىپ، نارازىلىق اكتسياسىن وتكىزۋ ءۇشىن ءبىلىم مينيسترلىگى الدىنا شىققان.

الەۋمەتتىك جەلىلەردە جاريالانعان ۆيدەولاردا "تاليبان" اسكەرىنىڭ اسپانعا وق اتىپ جاتقانىن كورۋگە بولادى. جينالعاندار قاشا باستاعاندا، ولار ايەلدەردى قۋىپ جەتىپ، اۆتوماتتارىمەن ۇرعان.

اۋعانستانداعى تاۋەلسىز جۋرناليستەر بىرلەستىگى اكتسيانى تۇسىرۋگە بارعان ءبىر شەتەلدىك ءجۋرناليستىڭ ۇستالعانىن، تاعى ەكى جەرگىلىكتى جۋرناليست جاراقات العانىن مالىمدەدى.

Amnesty International حالىقارالىق ۇيىمى تالىپتەر بەيبىت اكتسيانى كۇشپەن تاراتقانىنا الاڭداۋشىلىعىن جەتكىزدى.

Abai.kz