قىرعىزستاننىڭ ەكس-پرەزيدەنتى المازبەك اتامباەۆتىڭ جاعدايى كۇن ساناپ ناشارلاپ جاتىر. ادۆوكات جاقىندا ءوزىنىڭ ارىپتەسى سەرگەي سلەسارەۆپەن بىرگە اتامباەۆ وتىرعان اباقتىعا بارىپ كەلگەنىن جەتكىزدى.

ء"ۇش كۇن بۇرىن اباقتى باسشىلىعىنا اتامباەۆتى رەسەيگە ەمدەۋگە رۇقسات بەرۋىن سۇراپ، ءوتىنىش ءتۇسىردىم. قۇجاتتا ەكس-پرەزيدەنت پۋتين اكىمشىلىگى جانىنداعى ەمحانادا لازەرلى ەندوسكوپيادان ءوتۋى كەرەك ەكەنىن جازدىم. تەكسەرۋدى سول جەردە وتكىزۋى كەرەك. سەبەبى 2014 جانە 2016 جىلدارى ول سول جەردە ەم قابىلداعان. دارىگەرلەر ءبىر جىلدان كەيىن كەلىپ تەكسەرىلۋدى سۇراعان. ول وتە قاتتى جۇدەپ كەتكەن، قان قىسىمى 60/80-گە ءتۇسىپ كەتكەن. ونى تەز ارادا ەمدەتۋ قاجەت", - دەيدى جووشەۆ.

قازىر المازبەك اتامباە مولدوۆانوۆكاداعى №27 اباقتىدا جاتىر. ونىڭ ۇستىنەن قازىر بىرنەشە قىلمىستىق ءىس بويىنشا تەرگەۋ ءجۇرىپ جاتىر. وسىعان دەيىن قىلمىس الەمىنىڭ بەدەلدىسى ازيز باتۋكاەۆتى زاڭسىز بوساتتى دەگەن ايىپپەن 11 جىلعا سوتتالعان.

Abai.kz