مەملەكەتتىك رامىزدەردى قورلاعاندارعا سالىناتىن ايىپپۇل مولشەرى 3 مىڭ اەك-كە دەيىن ۇلعايتىلماق. بۇل تۋرالى قر پرەمەر-ءمينيسترى ءاليحان سمايىلوۆ سەنات دەپۋتاتتارىنىڭ ساۋالىنا قايتارعان جاۋابىندا جازدى.

بۇعان دەيىن سەنات دەپۋتتارتارى ۇكىمەت باسشىسىنا دەپۋتاتتىق ساۋال جولداپ، مەملەكەتتىك رامىزدەردى قورلاۋ بويىنشا زاڭ باپتارىن بارىنشا قاتايتۋدى، بەلگىلەنگەن ايىپپۇل مولشەرىن ەكى ەسە كوبەيتۋدى جانە جازا مەرزىمىن 5 جىلعا دەيىن ۇزارتۋدى تالاپ ەتكەن بولاتىن.

«قازىرگى ۋاقىتتا قازاقستان رەسپۋبليكاسى قىلمىستىق كودەكسىنىڭ «مەملەكەتتىك رامىزدەردى قورلاۋ» تۋرالى 372-بابىندا كوزدەلگەن جاۋاپكەرشىلىكتى قاتاڭداتۋدى، سونىڭ ىشىندە ەڭ جوعارى ايىپپۇلدى 2 000-نان 3 000 ايلىق ەسەپتىك كورسەتكىشكە دەيىن ۇلعايتۋ جانە قوعامدىق جۇمىستارعا تارتۋدىڭ ەڭ ۇزاق مەرزىمىن 600-دەن 900 ساعاتقا دەيىن ۇلعايتۋ بويىنشا تۇزەتۋلەردى مۇددەلى مەملەكەتتىك ورگاندار پىسىقتاپ جاتىر»، - دەلىنگەن ءاليحان سمايىلوۆتىڭ جاۋابىندا.

2022 جىلدىڭ 1 ساۋىرىنەن ەلىمىزدەگى 1 اەك - 3 180 تەڭگە ەكەنىن ەسكەرسەك، الداعى ۋاقىتتا مەملەكەتتىك رامىزدەردى قورلاعاندار 9 540 000 تەڭگە مولشەرىندە ايىپپۇل تولەيتىن بولادى.

Abai.kz