گرۋزيانىڭ جيىرماعا جۋىق ۇكىمەتتىك ەمەس ۇيىمى رەسەيمەن ۆيزاسىز رەجيمدى الىپ تاستاۋدى تالاپ ەتىپ، ۇندەۋ جاريالادى. ۇندەۋ اۆتورلارى رەسەيدەن كەلىپ جاتقان شەكتەن تىس تۋريستەر ەلگە قاۋىپتى ەكەنىن، سونىمەن بىرگە باتىس سانكتسيالارىنان قاشقان كاسىپكەرلەر گرۋزياعا قونىس اۋدارىپ جاتقانىن مالىمدەگەن. 

رەسمي مالىمەتكە قاراعاندا، ناۋرىز ايى مەن شىلدە ايى ارالىعىندا 350 مىڭ رەسەيلىك گرۋزياعا كوشىپ كەلگەن. ولار تبيليسي مەن باتۋميدەن ءتورت مىڭعا جۋىق پاتەر ساتىپ العان، 6,5 مىڭ كاسىپورىن اشقان. 14 مىڭعا جۋىق ادام گرۋزيادا تۇرعا ىحتيارحات العان.

ۇكىمەتتىك ەمەس ۇيىمدار وكىلدەرى رەسەيلىكتەردىڭ جاپپاي ەكسپانسياسى گرۋزيا تاۋەلسىزدىگىنە قاۋىپ توندىرەدى دەپ دابىل قاعادى. ۇندەۋ اۆتورلارى ماسكەۋ رەسەيلىكتەردىڭ كوبىن پايدالانىپ، اسكەرىن كىرگىزۋى مۇمكىن دەيدى.

بيلىك باسىنداعى "گرۋزين ارمانى" پارتياسىنىڭ جەتەكشىسى يراكليا گاريباشۆيلي رەسەيلىكتەردىڭ جاپپاي كەلۋىنەن ەشقانداي قاۋىپ كورمەيتىنىن جەتكىزدى. ول كەرىسىنشە ەلدە تۋريزم ءوسىپ، مىڭداعان جۇمىس ورنى اشىلىپ جاتىر، بۇل كەدەيشىلىكپەن كۇرەسۋگە كومەكتەسەدى دەدى.

Abai.kz