وزودي راديوسىنىڭ دەرەككوزىنىڭ حابارلاۋىنشا، پرەزيدەنتتىڭ ساپارى قىركۇيەك ايىنىڭ باسىندا بولماق.
تاۋلى باداحشان اكىمشىلىگىڭ Facebook پاراقشاسىنان-اق پرەزيدەنت ساپارىنا ايماقتىڭ قالاي دايىندالىپ جاتقانىن كورۋگە بولادى. ايماق باسشىسى اليشەر ميرزونابوت اتقارىلعان جۇمىستارى ەسەپ بەرۋدى باستاعان.
اتى-ءجونىن اتاعىسى كەلمەگەن رۋشان اۋدانىنىڭ تۇرعىنى رۋشان مەن حوروگ تۇرعىندارىنىڭ ەمومالي راحمونمەن كەزدەسۋگە نيەتى جوق ەكەنىن ايتادى.
"ەگەر پرەزيدەنت كەلەتىن بولسا، حالىقتى كەزدەسۋگە ماجبۇرلەپ اپارۋى مۇمكىن. بىراق ولاردىڭ جۇرەگىندە بيلىككە دەگەن ەشقانداي ريزاشىلىق بولمايدى. حوروگ پەن رۋشاننىڭ ءار ءۇيى قايعىرىپ وتىر. وندا ءاربىرىنىڭ تۋىستارى ولتىرىلگەن نە ۇستالعان", - دەدى ول.
بيىل 16 مامىردا تاۋلى باداحشانداعى حوروگ قالاسى مەن رۋشان اۋدانى تۇرعىندارى جەرگىلىكتى بيلىكتىڭ وتستاۆكاعا كەتۋىن تالاپ ەتىپ، كوشەگە شىققان. 17 مامىردا رۋشاننىڭ ءبىر تۇرعىنى دۋشانبە-حوروگ جولىن جاۋىپ، اسكەري تەحنيكانىڭ اۆتونوميالى وبلىسى ورتالىعىنا قاراي وتۋىنە بوگەت جاساۋعا تىرىسقان. ەرتەسىنە بيلىك "تەرروريزممەن كۇرەس وپەراتسياسى" وتكەنىن حابارلادى. رەسمي مالىمەت بويىنشا، رۋشان اۋدانىندا 16 ادام قازا بولدى. جەرگىلىكتى تۇرعىندار قىرىق شاقتى ادام قازا تاپقانىن ايتىپ وتىر.
Abai.kz
