قازاقستاننىڭ مەملەكەتتىك كۇزەت قىزمەتى ەكس-پرەزيدەنت نۇرسۇلتان نازارباەۆ پەن ونىڭ وتباسى مۇشەلەرىنىڭ قاۋىپسىزدىگىن قامتاماسىز ەتىپ وتىر. بۇل تۋرالى Halyq Uniنە سىلتەمە جاساپ Abai.kz حابارلايدى. 

قر «مەملەكەتتىك كۇزەت قىزمەتى تۋرالى» زاڭىندا كۇزەتىلەتىن ادامداردىڭ ءتىزىمى بەكىتىلگەن. وندا ەل پرەزيدەنتى، سەنات پەن ءماجىلىستىڭ توراعالارى، پرەمەر-مينيستر، پرەزيدەنتتىڭ زايىبى (جۇبايى) مەن بىرگە تۇراتىن باسقا دا وتباسى مۇشەلەرى بار.

سونداي-اق بۇل تىزىمدە قازاقستاننىڭ تۇڭعىش پرەزيدەنتى مەن ونىمەن بىرگە تۇراتىن وتباسى مۇشەلەرى نەمەسە وعان ەرىپ جۇرۋشىلەر مەملەكەتتىك كۇزەتپەن قامتاماسىز ەتىلەتىنى جازىلعان.

رەداكتسيا ەكس-پرەزيدەنت نۇرسۇلتان نازارباەۆ پەن ونىڭ وتباسى مۇشەلەرىنىڭ كۇزەتىنە قانشا قارجى بولىنەتىنىن ءبىلۋ ءۇشىن قر مەملەكەتتىك كۇزەت قىزمەتىنە رەسمي ساۋال جولدادى. الايدا ۆەدومستۆو بۇل اقپاراتتىڭ مەملەكەتتىك قۇپيا ەكەنىن ايتىپ، جاۋاپ بەرۋدەن باس تارتتى.

«مەملەكەتتىك قۇپيالار تۋرالى» قر زاڭىنىڭ 14-بابىنا سايكەس، كۇزەتىلەتىن ادامداردىڭ جانە ولاردىڭ وتباسى مۇشەلەرىنىڭ قاۋىپسىزدىگىن قامتاماسىز ەتۋدى ۇيىمداستىرۋ، ونىڭ كۇشتەرى، قۇرالدارى جانە ادىستەرى تۋرالى مالىمەتتەر قازاقستان رەسپۋبليكاسىنىڭ مەملەكەتتىك قۇپياسى سانالادى»، – دەلىنگەن جاۋاپتا.

Abai.kz