"سىزدەر كۇلەتىن شىعارسىزدار. بىراق مەن قايتادان ايىپ يزولياتورىندامىن. جەكسەنبى كۇنى كەشكە شىعارىلدىم. دۇيسەنبى قايتا كىرگىزدى. ولار ماعان بۇل جەردەن ودان ءارى شىقپايتىنىمدى جاسىرمادى. بىراق مەنى نەگە قايتا كىرگىزگەنىن ءبىلىپ الدىم. مەن ساياسي تۇرعىدان وتە بەلسەندى ەكەنمىن. كرەملگە باتىس ەلدەرى تاراپتان سانكتسياعا ەنگىزۋى ءتيىس 6000 ادامنىڭ ءتىزىمىن جاريالاۋىمىز جاقپاي جاتىر ەكەن", - دەپ جازىلعان 30 تامىزداعى جازباسىندا.
الەكسەي ناۆالنىي مۇنىڭ الدىندا 15 تامىزدا ايىپ يزولياتورىنا جابىلعان. وعان تاڭەرتەڭ جۋىنۋعا بارا جاتقاندا، تۇرمەدەگى ارنايى فورمانى كيمەگەنى ءۇشىن ەسكەرتۋ جاساعان. 24 تامىزدا الەكسەي ناۆالنىي كۇزەتشىنىڭ "قولىڭدى ارتقا بەر" دەگەن بۇيرىعىن دەرەۋ ورىنداماعانى ءۇشىن تاعى بەس تاۋلىككە ايىپ اباقتىسىنا قامالعان.
پرەزيدەنت ۆلاديمير ءپۋتيندى ۇنەمى سىناپ، ورىس بيلىگىنىڭ كوررۋپتسيالىق ارەكەتتەرىن اشكەرەلەپ كەلگەن ناۆالنىي 2020 جىلدىڭ تامىز ايىندا ۋلانىپ، گەرمانياعا جەتكىزىلگەن. ول 2021 جىلدىڭ قاڭتار ايىندا رەسەيگە قايتا ورالعان بەتتە ۇستالعان. ول "يۆ روشە" ىسىنە قاتىستى شارتتى جازانىڭ ەرەجەسىن بۇزدى دەپ ايىپتالىپ، سوتتالعان. كەيىن وعان الاياقتىق بابىمەن جاڭا ايىپتار تاعىپ، توعىز جىلعا ەركىنەن اجىراتۋ جونىندە ۇكىم شىعارعان.
Abai.kz
