«Abai.kz» پورتالىنىڭ وقىرماندارىنان حات ءجيى كەلىپ تۇرادى. سونىڭ ءبىر - ورىنبەك ايتبەنبەتوۆتىڭ قاراعاندىدان جولداعان ءۇشبۋ تىلەك حاتى.

جىل اۋىسار شاقتاعى جىلى لەبىزگە تولى حاتتى نازارلارىڭىزعا ۇسىنىپ وتىرمىز.

«Abai.kz»

قۇرمەتتى رەداكتسيا!

«Abai.kz» پورتالىنىڭ وقىرماندارىنان حات ءجيى كەلىپ تۇرادى. سونىڭ ءبىر - ورىنبەك ايتبەنبەتوۆتىڭ قاراعاندىدان جولداعان ءۇشبۋ تىلەك حاتى.

جىل اۋىسار شاقتاعى جىلى لەبىزگە تولى حاتتى نازارلارىڭىزعا ۇسىنىپ وتىرمىز.

«Abai.kz»

قۇرمەتتى رەداكتسيا!

ەلىمىز تاۋەلسىزدىك العالى بەرى قازاق قوعامىندا ۇلكەن سەرپىلىس پايدا بولدى. بۇل بارشامىزعا بەلگىلى جايت. دەگەنمەن تاۋەلسىزدىكپەن بىرگە قوعامىمىزعا الەمنىڭ ءار شالعايىنان قاجەتتى-قاجەتسىز اقپاراتتار تاسقىنى اعىلدى. وسىناۋ كەزەڭدە ۇلتىمىزدى، قوعامىمىزدى دۇرىس جولعا باستايتىن پىكىرتالاس الاڭى قاجەتتىلىگى تۋىندادى. ءاربىر باق ءوزىنىڭ قال-قادەرىنشە جول تابۋعا تىرىسىپ كەلەدى، دەگەنمەن جاڭا يننوۆاتسيالىق تەحنولوگيالار داۋىرىندە ەلەكتروندى اقپارات قۇرالدارىنىڭ ماڭىزدىلىعى كوزگە شالىندى. بۇل ءىستىڭ باستاۋىندا قالامى قارىمدى جۋرناليستەر لەگى بولعانى قۋانتىپ ءجۇر. قازاق تەلەديدارىنا ەرەكشە لەپ اكەلگەن قاسىمنىڭ «شىننىڭ ءجۇزى»، ساۋلەنىڭ «اقجۇنىس»، نۇرەكەڭنىڭ «بەتپە-بەت» ت.ب. باعدارلامالارى وسى ءسوزىمىزدىڭ دالەلى ىسپەتتى. بۇگىندە بەيسەن قۇرانبەكتىڭ «ايتۋعا وڭاي» توك-شوۋى ەلىمىزدىڭ ەڭبەكتەگەن بالاسىنان ەڭكەيگەن قارياسىنا دەيىن ۇزبەي كورەتىن سۇيىكتى حابارىنا اينالدى دەسەم ارتىق بولماس. ءار حابارىندا قاراپايىم حالىقتىڭ كوكەيىندە جۇرگەن ماسەلەلەردى ءدوپ باسقان تامىرشىداي ءدال تاۋىپ جۇرگەن وسىناۋ باۋىرىمىزعا كورەرمەن العىسى شەكسىز. وتباسى، وشاق قاسىنان ۇزامايتىن قوردالانىپ قالعان سۇراقتار بۇكىل ەلگە تاراپ، ءوز شەشىمدەرىن تاۋىپ تا جاتىر. ال ەلەكتروندىق باق اراسىندا «اباي.كز» پورتالىنىڭ شوقتىعى بيىك، الاتىن ورنى ەرەكشە. قازىر كەز-كەلگەن كوكەيكەستى ماسەلە، ۇلت مۇراتىن ۇلىقتايتىن، ۇلتشىلدىقتى، وتانسۇيگىشتىكتى ناسيحاتتايتىن دۇنيەلەردى دە وسى پورتالدان تاباسىڭ. بۇل كەيبىرەۋلەر كوكىپ جۇرگەندەي، قازاق جۋرناليستيكاسىنىڭ قارىمى وزگە ءتىلدى باق تان ناشار دەگەن كەرتارتپا ۇعىمدى تەرىسكە شىعارىپ وتىر. بۇعان سان  مىڭداعان وقىرماننىڭ «اباي.كز»-ءتىڭ ءاربىر جاريالانىمىن اسىعا كۇتەتىنىنەن وندا جاريالانعان ماتەريالداردى قىزۋ تالقىلاپ جاتقاندىعىنان بايقاۋعا بولادى. وسى ورايدا داۋرەن قۋات باستاعان «اباي.كز» ۇلتتىق پورتالى ۇجىمىنىڭ ءتىلى شۇرايلى،ءسوزى شىرايلى جۋرناليستەرىنە ۇلكەن شىعارماشىلىق تابىستار تىلەپ، قازاق ەلىنىڭ ەگەمەندىگىن نىعايتۋ مەن دامىتۋ جولىندا ەسەلى ەڭبەك ەتە بەرىڭىزدەر دەگىم كەلەدى.

قۇرمەتپەن،

ورىنبەك ايتبەنبەتوۆ.

قاراعاندى وبلىسى