وزبەكستان پرەزيدەنتى ش.ميرزيوەۆتىڭ تاۋەلسىزدىك كۇنى "شەيىتتەر الاڭىندا" (شوحيدلار مايدوني) اتا-بابا رۋحى مەن رەپرەسسيا قۇرباندارىنا ءداستۇرلى قۇران باعىشتاۋدان كەيىنگى: "بابالارىمىز بۇدان 100 جىل الدىن دا تاۋەلسىزدىككە ۇمتىلعان. بۇل جولدا 100 مىڭداعان ادام رەپرەسسياعا ۇشىرادى", - دەگەن سوزدەرى ورىس باسپاسوزدەرىندە ۇلكەن رەزونانس تۋدىرعان.

بۇل قۋانارلىق جايت. پوستكەڭەستىك، سونىڭ ىشىندە تۇركىستانداعى (ورتا ازياداعى) تاۋەلسىز رەسپۋليكالار بيلىگى تاراپىنان ۇلتتىق مەملەكەتتىلىكتىڭ بولعاندىعى، كەيىننەن، 90 -ىنشى جىلدارى پايدا بولماعاندىعى جايلى يشارات جاساپ ءوتۋ جاقسى قۇبىلىس. بىزدەگى تاۋەلسىزدىك ءىس-شارالارىندا دا ايتىلسا بيلىكتىڭ سەنىم كرەديتى ازايمايتىنى بەلگىلى.

تاۋەلسىزدىك كۇنىن اشىق اسپاندا، ۇلكەن الاڭدا تويلاۋ وزبەكستاندا ەكىنشى بيلىك ورناعاننان بەرى العاش رەت وتكىزىلىپ وتىر. بيلىك وسى ۋاقىتقا دەيىن بولعان تسەنزۋرالاردان باس تارتقان. ش.ميرزيوەۆ اسكەري سالانى دامىتۋ، اسكەر قۋاتىن ارتتىرۋ جايلى بىرنەشە رەت قايتالاعان.

تاۋەلسىزدىك مەرەيتويىندا "تۇركىستان مارشىنىڭ" شىرقالۋى، رەپرەسسيا قۇرباندارى وزبەك ۇلت زيالىلارى-جاديدتەر وبرازىنىڭ سومدالۋى، ش.ميرزيوەۆتىڭ سوزدەرى وزبەك كونتەنتىندە قىزۋ تالقىدا.

الەمدەگى جاعداي، پوستكەڭەستىك كەڭىستىكتەگى سوعىس جاعدايى تۇركىستان (ورتا ازيالىق) رەسپۋبليكالارعا تاۋەلسىزدىكتىڭ قادىر-قاسيەتىن سەزدىرىپ جاتىر.

قانات بايبوسىنۇلى

Abai.kz