قازاقستان رەسپۋبليكاسى باس پروكۋرورى بەرىك اسىلوۆقا جانە باسەكەلەستىكتى قورعاۋ جانە دامىتۋ اگەنتتىگىنىڭ توراعاسى مارات وماروۆقا

كوكتەمگى جانە كۇزگى ەگىس ناۋقاندارىندا جانار-جاعار مايدىڭ تاپشىلىعى مەن باعاسىنىڭ كۇرت ءوسۋى ادەتكە اينالدى. بيىل دا وسى سوراقى جاعدايدى باستاپ كەشىپ وتىرمىز!

ديزەل وتىنى تونناسى كەي جەرلەردە 500 مىڭ تەڭگەگە جەتىپ وتىر! ءوزى قىمباتشىلىقتان قينالىپ وتىرعان حالىققا، شارۋا قوجالىقتارى مەن فەرمەرلەرگە بۇل «جىعىلعان ۇستىنە جۇدىرىق» ەكەندىگى ءسوزسىز!

جانار-جاعار مايدىڭ ۇزدىكسىز تاپشىلىعى مەن باعاسىنىڭ كۇرت ءوسۋىنىڭ سەبەبى ۇيىمداسقان كارتەلدى كەلىسىمدەر، رەۆانشيستتىك كۇشتەردىڭ مەملەكەت باسشىسىنىڭ ساياساتىنا قاساقانا سابوتاجىندا دەگەن پىكىر بار.  مۇناي وڭدەۋ زاۋىتتارى مۇنايدى وڭدەۋدىڭ باعاسىن وسىرمەگەن، سوعان قاراماستان ديزەل وتىنىنىڭ، بەنزيننىڭ باعاسى شارىقتاپ كەتتى! ياعني، مۇناي وڭدەۋدىڭ بارلىق تسيكلىن ءجىتى تەرگەپ-تەكسەرۋ قاجەت!

وليگارحيالىق ۇيىمداسقان توپتاردىڭ قۇلقىنىنا بالتا شابۋ حالىق تالابى! وسى ورايدا، باس پروكۋراتۋرا مەن اگەنتتىك بىرلەسە وتىرىپ:

اتىراۋ، پاۆلودار مۇناي وڭدەۋ زاۋىتتارىنىڭ مۇناي وڭدەۋ باعىتىن، جانار-جاعار مايدى ساتۋشىلاردى «ۇيىمداسقان كارەلدىك كەلىسۋ» فاكتىلەرىنە تەكسەرۋ جۇرگىزۋ;

جانار-جاعار مايدى ساتۋشى كومپانيالاردىڭ ديزەل وتىنى، بەنزينگە ادەيى جەتىسپەۋشىلىگىن ۇيىمداستىرۋ مۇمكىندىگىنە تەرگەۋ جۇرگىزۋدى تالاپ ەتەمىز!

مۇنايدى وڭدەۋگە بەرۋشىلەر مەن مۇنايدى ساتۋشىلاردىڭ شەتتەن شىققان الىپ ساتارلىق فاكتىلەرى بولسا، ولار زاڭ الدىندا قاتاڭ جاۋاپ بەرۋلەرى قاجەت!

جانار-جاعار ماي اياسىنداعى باعا ساياساتى اقىلعا سىيىمدى، ادىلەتتى، حالىققا تۇسىنىكتى بولۋى قاجەت!

قۇرمەتپەن، «AMANAT” پارتياسى فراكتسيا مۇشەلەرى

ەرلان سايىروۆ

Abai.kz