ءمۇفتياتتا قالىپتاسقان ءداستۇر بار: ءدىني باسقارمانىڭ ايماقتاعى وكىل يمامدارى جىلدىق جۇمىستارى جايىندا ەسەپ بەرەدى ءھام جوسپارلارىمەن تانىستىرادى. تاپسىرمانى دەر كەزىندە ورىنداماعان ءدىن قىزمەتكەرىنە قاتاڭ ەسكەرتۋ جاسالادى، ءتىپتى، سوگىس تە بەرىلەدى. قاجەت بولسا ءتيىستى شارالار قولدانىلادى. مۇنداعى ماقسات - بىرەۋدىڭ ايىبىن ياكي كەمشىلىگىن اشۋ ەمەس، ءدىن ناسيحاتىن كۇشەيتە ءتۇسۋ، يمامداردىڭ بىلىكتىلىگىن ارتتىرۋ، تاجىريبەسىن شىڭداۋ، ءدىني قىزمەتتىڭ جاۋاپكەرشىلىگىن سەزىندىرۋ، كەتكەن كەمشىلىك پەن ولقىلىقتاردى بولاشاقتا بارىنشا بولدىرماۋ، ت.ب. وبلىسقا، وڭىرگە، قالاعا جاۋاپتى ءدىن قىزمەتكەرلەرىنىڭ وسى ءبىر القالى جيىندا وزىنە جۇكتەلگەن جاۋاپكەرشىلىك جۇگىن تاعى دا سەزىنىپ شىعاتىنى سوندىقتان.

بۇگىن باس يمامداردىڭ باسقوسۋىندا ءسوز باستاعان باس ءمۇفتي، شەيح ءابساتتار قاجى دەربىسالى حازرەت اللاعا ماداق، پايعامبارعا (س.ع.س.) سالاۋات ايتىپ، ءدىني قىزمەتتىڭ مىندەتى مەن جاۋاپكەرشىلىگىنە توقتالدى.

ءمۇفتياتتا قالىپتاسقان ءداستۇر بار: ءدىني باسقارمانىڭ ايماقتاعى وكىل يمامدارى جىلدىق جۇمىستارى جايىندا ەسەپ بەرەدى ءھام جوسپارلارىمەن تانىستىرادى. تاپسىرمانى دەر كەزىندە ورىنداماعان ءدىن قىزمەتكەرىنە قاتاڭ ەسكەرتۋ جاسالادى، ءتىپتى، سوگىس تە بەرىلەدى. قاجەت بولسا ءتيىستى شارالار قولدانىلادى. مۇنداعى ماقسات - بىرەۋدىڭ ايىبىن ياكي كەمشىلىگىن اشۋ ەمەس، ءدىن ناسيحاتىن كۇشەيتە ءتۇسۋ، يمامداردىڭ بىلىكتىلىگىن ارتتىرۋ، تاجىريبەسىن شىڭداۋ، ءدىني قىزمەتتىڭ جاۋاپكەرشىلىگىن سەزىندىرۋ، كەتكەن كەمشىلىك پەن ولقىلىقتاردى بولاشاقتا بارىنشا بولدىرماۋ، ت.ب. وبلىسقا، وڭىرگە، قالاعا جاۋاپتى ءدىن قىزمەتكەرلەرىنىڭ وسى ءبىر القالى جيىندا وزىنە جۇكتەلگەن جاۋاپكەرشىلىك جۇگىن تاعى دا سەزىنىپ شىعاتىنى سوندىقتان.

بۇگىن باس يمامداردىڭ باسقوسۋىندا ءسوز باستاعان باس ءمۇفتي، شەيح ءابساتتار قاجى دەربىسالى حازرەت اللاعا ماداق، پايعامبارعا (س.ع.س.) سالاۋات ايتىپ، ءدىني قىزمەتتىڭ مىندەتى مەن جاۋاپكەرشىلىگىنە توقتالدى.

«دىنگە قىزمەت - اللا مەن ادامدار الدىنداعى ساۋاپتى دا جاۋاپتى ءھام ابىرويلى جۇمىس. حالقىمىزدىڭ ءدىني ساۋاتىن اشىپ، ولاردى ىزگىلىكتى ىستەرگە باستاۋ - ءسىز بەن بىزگە جۇكتەلگەن زور مىندەت. ءبىز وسىنى سەزىنە ءبىلۋىمىز كەرەك. قوي تەرىسىن جامىلعان ءدىني اعىمداردىڭ جىمىسقى ءىس-ارەكەتىن توقتاتۋ، اعارتۋشىلىق باعىتتا تىنباي تىرلىك ەتۋ، مەملەكەتتىك مەكەمەلەردە، وقۋ ورىندارىندا ەل بىرلىگى، حالىق ىنتىماعى، يمان بايلىعى جايلى ۋاعىز-ناسيحاتتارىمىزدى كۇشەيتۋىمىز كەرەك. سوندا عانا كەيبىر ءدىني اعىمنىڭ جەتەگىندە كەتكەن جاستارىمىز تەرىس پيعىلدى پاش ەتىپ جۇرگەن سەكتالاردان سەكەم الىپ، بابالارىمىزدان جەتكەن ءداستۇرلى ءدىنىمىز - يسلاممەن قاۋىشادى. مىنە، ءبىز وسى باعىتتاعى جۇيەلى جۇمىسىمىزدى جالعاستىرىپ، ادامداردىڭ جۇرەگىنە جول تاۋىپ، ىزگىلىكتىڭ، يماننىڭ، يسلامنىڭ، دانالىق جولدىڭ ءدانىن سەبە بەرۋىمىز كەرەك. حالىقتى ءدىني ساۋاتتاندىرمايىنشا، بۇگىندە بوي كورسەتىپ جاتقان ءدىن سالاسىنداعى كەيبىر ماسەلەلەردىڭ كۇرمەۋىن شەشىپ، ءتۇيىنىن تارقاتام دەۋ - ابەستىك.

«بيىل ەلىمىز ءۇشىن جاقسى جىل بولدى. جۋىردا ەلباسىمىز نۇرسۇلتان ءابىشۇلى نازارباەۆ حالىققا جولداعان جولداۋىندا ەلىمىزدىڭ 2050 جىلعا دەيىنگى دامۋ ستراتەگياسىن ايقىنداپ بەردى. وندا ءدىن سالاسىنا قاتىستى بىرقاتار ماسەلەلەر كوتەرىلىپ، ونى شەشۋ جولدارى قاراستىرىلعان. ءدىني باسقارما وسى باعىت بويىنشا جۇمىس جاساپ كەلەدى. بۇل يگى-ءداستۇر بۇدان بىلاي دا جالعاسا بەرمەك»، - دەدى ءدىنباسى كەزەكتى تورالقا وتىرىسىندا.

ەسەپ بەرۋ جيىنىندا سونىمەن قاتار بۇقارالىق اقپارات قۇرالدارىمەن بايلانىستى جاقسارتۋ، قمدب ۋاعىز-ناسيحات توبىن بەكىتۋ، ينتەرنەت جۇيەسىن جەتىلدىرىپ، پايدالانۋ، ءدىني باسقارما تاپسىرمالارىنىڭ ورىندالۋى، زەكەت قورى تۋرالى، قاجىلىق، مەدرەسەلەرگە وقۋلىق جازۋ، يمامداردىڭ كيىم مادەنيەتى، ولارعا سەمينارلار ۇيىمداستىرۋ، ازانشى ماسەلەسى، باسقارۋ-باقىلاۋ، وقۋ-اعارتۋ، ۋاعىز-ناسيحات جۇمىستارى، ءدىني راسىمدەردىڭ جاعدايى، قۇرىلىس، شارۋاشىلىق جۇمىستارى، مەشىتتەرگە ات بەرۋ ماسەلەسى قارالىپ، پىسىقتالدى. ءتيىستى تاپسىرمالار بەرىلدى. وسى تاپسىرمالاردى تىڭعىلىقتى ورىنداعان وكىل يمامدارعا ارنايى العىس حات بەرۋ تۋرالى شەشىم قابىلداندى. ماقسات - يمامنىڭ جىگەرىن وياتۋ، جۇمىسقا دەگەن تالپىنىسىن ارتتىرۋ.

قمدب-نىڭ اتىراۋ وبلىسىنداعى وكىل يمامى امانتاي ساديەۆ ءسالافي باعىتتاعى 27 ادامنىڭ ءوز رايىنان قايتقانىن، ونى يمامعا ارنايى مالىمدەگەنىن جەتكىزدى. تەرىس اعىمنىڭ ىقپالىندا جۇرگەن جاستار بۇدان بىلاي حانافي ءمازحابىن ۇستاناتىنىن ايتىپ، يمامعا مويسۇناتىنىن بىلدىرگەن. مۇنداي جاعىمدى جاڭالىقتار اقتوبە وبلىسىندا دا بار. قاتەلىگىن مويىنداپ، يمامنان كەشىرىپ سۇراپ كەلگەندەر كوپ ەكەن. باس ءمۇفتي مۇنداي ماسەلەلەردى ساتىلاپ شەشۋدى تاپسىردى.

ەسەپ بەرۋ وتىرىسى ەكى كۇنگە سوزىلماق.

اعابەك قوناربايۇلى،

قمدب-نىڭ ءباسپاسوز حاتشىسى

«Abai.kz»