اقان ساتاەۆ "قازاقفيلمنىڭ" باسشىلىعىنان كەتتى
رەجيسسەر اقان ساتاەۆ «قازاقفيلم» كينوستۋدياسىنىڭ پرەزيدەنتى قىزمەتىنەن كەتتى. بۇل تۋرالى مادەنيەت جانە سپورت ءمينيسترى داۋرەن اباەۆ Facebook پاراقشاسىندا مالىمدەدى.
«اتى اڭىزعا اينالعان كينوستۋديانىڭ پرەزيدەنتى اقان ساتاەۆ قىزمەتىنەن ءوز ەركىمەن كەتتى. وعان ەرەن ەڭبەگى ءۇشىن العىس ايتامىن”، – دەپ جازدى مينيستر.
اقان ساتاەۆ «قازاقفيلمنىڭ» باسشىسى بولىپ 2020 جىلعى شىلدە ايىندا تاعايىندالعان بولاتىن.
ول «اداسقاندار»، «اعايىندىلار»، «جاۋجۇرەك مىڭ بالا»، «اناعا اپارار جول»، «رەكەتير»، «توميريس»، «كوشباسشى جولى. استانا» ت.ب. فيلمدەردىڭ اۆتورى.
Abai.kz
