رەسەيلىكتەر ەلىنە كۇشپەن قايتارىلمايدى
رەسەي قورعانىس مينيسترلىگى قازاقستاننىڭ، گرۋزيانىڭ جانە باسقا دا ەلدەردىڭ بيلىكتەرىنە سونداعى رەسەيلىكتەردى كۇشپەن قايتارۋ تۋرالى ءوتىنىش جولدامايدى.
بۇل تۋرالى "ريا نوۆوستي" اگەنتتىگى مينيسترلىكتەن الىنعان اقپاراتقا سۇيەنە وتىرىپ حابارلادى.
بۇنىڭ الدىندا قازاقستان ىشكى ىستەر مينيسترلىگى موبيليزاتسيادان قاشىپ كەلگەن رەسەيلىكتەر حالىقارالىق ىزدەۋگە بەرىلگەندە عانا ەلىنە قايتارىلۋى مۇمكىن ەكەنىن مالىمدەگەن.
گرۋزيامەن شەكارادا 27 قىركۇيەكتەن باستاپ رەسەيدىڭ اسكەرگە قابىلداۋ كوشپەلى بەكەتى جۇمىس ىستەي باستاعان. مالىمەتتى سولتۇستىك وسەتيا ۇكىمەتىنىڭ ءباسپاسوز قىزمەتى راستادى.
Abai.kz
