سارسەنبى, 9 قازان 2024
2659 7 پىكىر 28 قىركۇيەك, 2022 ساعات 15:47

رەسەي باسىپ العان اۋماقتاردا رەفەرەندۋم ناتيجەسى شىقتى

ۋكراينانىڭ رەسەي جاۋلاپ العان اۋماعىندا رەسەيشىل سايلاۋ كوميسسياسى رەفەرەندۋم ناتيجەسىن جاريالادى.

"ورتالىق سايلاۋ كوميسسياسىنىڭ" مالىمەتىنشە، دونەتسك وبلىسىندا ايماقتى رەسەيگە قوسۋدى سايلاۋ ۋچاسكەسىنە كەلگەندەردىڭ 99,23 پايىزى قولداعان. لۋگانسكىدە سايلاۋشىلاردىڭ 98,42 پايىزى، زاپوروجەدە – 93,11, حەرسوندا 87,05 پايىزى اتالعان ايماقتاردى رەسەيگە قوسۋعا داۋىس بەرگەن دەپ ايتىلادى.

داۋىس بەرۋ اياقتالعانعا دەيىن بىرنەشە ساعات بۇرىن رەسەي قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆ تەلەگرام ارناسىندا "رەفەرەندۋم اياقتالدى. ناتيجەسى ايقىن. ۇيگە – رەسەيگە قوش كەلدىڭىز" دەپ جازدى.

ۋكراينانىڭ رەسەي جاۋلاپ العان اۋماعىن رەسەيگە قوسۋ تۋرالى ماسەلە 4 قازانعا بەلگىلەنگەن فەدەراتسيا كەڭەسى وتىرىسىندا قارالادى. لۋگانسك وبلىسىنىڭ باسشىسى لەونيد پاسەچنيك مالىمدەمە جاريالاپ، ۆلاديمير ءپۋتيندى رەسەي قۇرامىنا 28 قىركۇيەكتە قابىلداۋدى سۇراعان.

 

Abai.kz

7 پىكىر