قازىر دۇنيەجۇزىندە بولىپ جاتقان گەوساسيا جاعدايدى بۇكىل ادامزاتتى الاڭداتادى. ۋكراينانىڭ جاعدايىن كورىپ، جانىڭ اشيدى، جۇرەگىڭ اۋىرادى. قۇداي باسقا بەرمەسىن! وسىندايدا قازاقستاندا عانا ەمەس، جەر بەتىندە تىنىشتىق بولسا ەكەن دەپ تىلەيسىڭ. سوندىقتان الەمدە بولىپ جاتقان قاقتىعىس پەن شيەلىنىسكە ىلىكپەي، ەلىمىزدىڭ تىنىشتىعىن، حالقىمىزدىن اماندىعىن ساقتاپ قالۋىمىز كەرەك. سوڭعى ۋاقىتتا تۇراقتىلىققا قول جەتكىزۋ ماسەلەسىن تەككە ايتىلىپ جۇرگەن جوق. الەمدىك ەكونوميكاداعى شيەنەلىستەر كۇشەيگەن سايىن داعدارىس تا ارتادى. بايقاساڭىز، ازىق-تۇلىك قىمباتتاپ، ەل ىشىندە الەۋمەتتىك احۋال تومەندەدى دەپ، دابىل قاعىپ جاتىرمىز. بىراق قازىر حالىققا بەيبىتشىلىك پەن تۇراقتىلىق قاجەت. وسىنى ساقتاي الساق، الەۋمەتتىك قيىندىقتى دا شەشۋگە مۇمكىندىك بولادى.

وتكەندە استاناداعى دىندەر سەزىندە ريم پاپاسى قازاق قوعامىن بىرىكتىرىپ وتىرعان ىنتاماقتاستىق ەكەنىن باسىپ ايتقان. سوزبە ءسوز ايتساق، «ويتكەنى ەلدە 150-گە جۋىق ەتنيكالىق توپ پەن سەكسەننەن استام ءتىل بار. ءارتۇرلى تاريحى، مادەني جانە ءدىني داستۇرلەرى بار. سوعان قاراماستان، بۇل حالىقتار بىرلەسە، ادام ايتسا نانعىسىز ىنتىماقتاستىق ورناتقان» دەگەن ريم پاپاسى فرانتسيسك. راسىمەن، قازاقستانعا بەيبىتشىلىك ەلشىسى رەتىندە كەلگەن پاپانىڭ بۇل ءسوزىن الەم حالىقتارىنىڭ بەرگەن ۇلكەن باعاسى دەپ قابىلداعان ءجون.

ءبىر نارسە عانا اقيقات: بىرلىك بار جەردە تىرلىك بار. پرەزيدەنت وسى ماقساتتا مىقتى ديپلوماتيالىق ۇستانىمدى نەگىز ەتىپ وتىر. بۇل ەل تىنىشتىعى مەن قاۋىپسىزدىگى ءۇشىن دە ماڭىزدى.  سوندىقتان حالىقارالىق قاتىناستاردا مۇمكىندىگىنشە تۇسىنىستىكپەن سويلەسىپ، ماسەلەنى كەلىسىممەن شەشۋ جولىنان تايماۋىمىز كەرەك. سوندا قازاق ەلىنىڭ بولاشاعى نۇرلى بولادى دەپ سەنەمىن.

ورالبەك جاقيانوۆ

Abai.kz