استاناداعى LRT قۇرىلىسى جالعاساتىن بولادى. بۇل تۋرالى پرەمەر-مينيستر ءاليحان سمايىلوۆ مالىمدەدى.

ۇكىمەت جوبا كەلەشەگىن تالداپ، ءارتۇرلى سحەمالاردى قاراستىرعان. سوڭىندا وتاندىق جانە شەتەلدىك ساراپشىلاردىڭ پىكىرىن ەسكەرە كەلە، قۇرىلىستى جالعاستىرىپ، اياعىنا جەتكىزۋ تۋرالى شەشىم قابىلداعان.

"قازىر ءبىز بۇل جوبانى قارجىلاندىرۋدى جالعاستىرىپ جاتىرمىز، اتاپ ايتقاندا كۇزدە قۇرىلىستى جالعاستىرۋعا قوسىمشا 20 ملرد تەڭگە بولدىك. بولىنگەن قارجىنىڭ ءتيىمدى يگەرىلۋىن، وسى جوبا شەڭبەرىندە اتقارىلۋى ءتيىس مىندەتتەرىنىڭ ورىندالۋىن قاداعالايتىن بولامىز. جوبا ويداعىداي اياقتالۋى ءۇشىن كەزەڭ – كەزەڭىمەن قوسىمشا قاراجات بولەتىن بولامىز", - دەدى سمايىلوۆ.

ايتا كەتەيىك، جازدا استانا اكىمى التاي كولگىنوۆ جوبانىڭ تابىس اكەلمەيتىنىن جانە ونى بيزنەس نىسانى رەتىندە قاراستىرۋعا بولمايتىنىن ايتقان بولاتىن.

قۇرىلىستى اياقتاۋ ءۇشىن 577 ميلليون دوللار قاجەت. الدىن الا ەسەپتەۋلەر بويىنشا LRT قىزمەتىنە جىل سايىن 4 ملرد تەڭگە جۇمسالادى ەكەن.

Abai.kz