رەسەيدە ءىشىنارا موبيليزاتسيا جاريالانعان كۇننەن بەرى قازاقستاندا ەكى ءجۇز مىڭعا جۋىق شەتەلدىكتەن جسن الۋعا ءوتىنىش تۇسكەن.

بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ مالىمدەدى.

"21 قىركۇيەكتەن بەرى شەتەلدىكتەردەن 200 مىڭداي ءوتىنىش ءتۇستى", - دەدى تۇرىسوۆ ءماجىلىس كۋلۋارىندا.

ولاردىڭ قانشاسى رەسەي ازاماتتارى ەكەنى بەلگىسىز. ۆيتسە-مينيستر قازاقستاندا جۇمىس ىستەپ، بانك شوتىن اشقىسى كەلەتىن كەز كەلگەن شەتەلدىك جسن الۋعا مىندەتتى ەكەنىن اتاپ ءوتتى.

4 قازاندا قازاقستانعا كەلگەن 70 مىڭعا جۋىق رەسەيلىك حالىققا قىزمەت كورسەتۋ ورتالىقتارىنان جەكە سايكەستەندىرۋ ءنومىرىن العانى حابارلانعان بولاتىن.

Abai.kz