Ресейде ішінара мобилизация жарияланған күннен бері Қазақстанда екі жүз мыңға жуық шетелдіктен ЖСН алуға өтініш түскен.

Бұл туралы цифрлық даму, инновациялар және аэроғарыш өнеркәсібі вице-министрі Әсет Тұрысов мәлімдеді.

"21 қыркүйектен бері шетелдіктерден 200 мыңдай өтініш түсті", - деді Тұрысов мәжіліс кулуарында.

Олардың қаншасы Ресей азаматтары екені белгісіз. Вице-министр Қазақстанда жұмыс істеп, банк шотын ашқысы келетін кез келген шетелдік ЖСН алуға міндетті екенін атап өтті.

4 қазанда Қазақстанға келген 70 мыңға жуық ресейлік Халыққа қызмет көрсету орталықтарынан жеке сәйкестендіру нөмірін алғаны хабарланған болатын.

Abai.kz