ەۋروپالىق وداقتىڭ سانكتسيالارى ءۇشىنشى ەلدەرگە باعىتتالماعان. بۇل تۋرالى ەۋروپالىق كەڭەستىڭ پرەزيدەنتى شارل ميشەل ايتتى.

"ەۋروپالىق وداق سانكتسيالار سالۋ شارالارىن قاراستىرعاندا  قازاقستان ەكونوميكاسىنا بايقاۋسىزدا كەسىرىن تيگىزبەۋگە باسا نازار اۋدارعان. پرەزيدەنت ش. ميشەل ەو سانكتسيالارى ءۇشىنشى ەلدەرگە قارسى باعىتتالماعان جانە حالىقارالىق سانكتسيالاردان جالتارۋعا جانە ولاردى اينالىپ وتۋگە جول بەرمەۋدىڭ ماڭىزدىلىعىن اتاپ ءوتتى.تاراپتار سونداي – اق سانكتسيا تىزىمىنە كىرمەيتىن تاۋارلاردى وندىرەتىن ەۋروپالىق كومپانيالاردى قازاقستانعا كوشىرۋدى تالقىلادى",-دەلىنگەن قاسىم-جومارت توقاەۆ پەن شارل ميشەلدىڭ باسپاسوزگە ارنالعان بىرلەسكەن مالىمدەمەسىندە.

پرەزيدەنتتەر ءوندىرىس پەن تاۋار جەتكىزۋدىڭ جاھاندىق تىزبەگىن قامتاماسىز ەتۋ ءۇشىن ەۋروپا مەن ورتالىق ازيا اراسىنداعى قولدانىستاعى حالىقارالىق كولىك دالىزدەرىن كەڭەيتۋ مەن دامىتۋدىڭ ماڭىزدىلىعىن اتاپ ءوتتى. ولار سونداي-اق ترانسكاسپي حالىقارالىق كولىك مارشرۋتىنىڭ الەۋەتىن، ونى ودان ءارى دامىتۋ نۇسقالارىن جانە ايماقتاعى باسقا دا كولىك مارشرۋتتارىنىڭ ءرولىن تالقىلادى.

Abai.kz