ادام قۇقىقتارى جونىندەگى ۋاكىل ەلۆيرا ءازىموۆانىڭ وكىمىمەن «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» زاڭعا سايكەس بىرقاتار وبلىستاردا، سونداي-اق استانا، الماتى جانە شىمكەنت قالالارىندا ومبۋدسمەننىڭ وكىلدەرى تاعايىندالدى. بۇل تۋرالى قر ادام قۇقىقتارى جونىندەگى ۋاكىلدىڭ رەسمي سايتىندا جاريالاندى.

اقمولا، اقتوبە، شىعىس قازاقستان، قىزىلوردا، قاراعاندى، قوستاناي، سولتۇستىك قازاقستان، تۇركىستان، باتىس قازاقستان وبلىستارىندا، الماتى، استانا جانە شىمكەنت قالالارىندا ادام قۇقىقتارى جونىندەگى ۋاكىلدىڭ وكىلدەرى جۇمىستى باستادى. سونداي-اق، جامبىل، پاۆلودار، اتىراۋ، ماڭعىستاۋ وبلىستارىندا جانە جەتىسۋدا كونكۋرستىق ءىس-شارالار جالعاسۋدا.

اعىمداعى جىلى قازاقستاننىڭ 17 وڭىرىندە ۋاكىلدىڭ وكىلدىگى جۇمىس ىستەيتىن بولادى. تاعى 3 وڭىردە (ۇلىتاۋ، اباي جانە الماتى وبلىستارى) وكىلدىكتەر 2023 جىلى ءتيىستى راسىمدەر اياقتالعاننان كەيىن اشىلادى دەپ جوسپارلانۋدا.

وكىلدەر مەملەكەتتىك قىزمەتشى بولىپ تابىلادى جانە «مەملەكەتتىك قىزمەت تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن تاعايىندالدى.

قازاقستان رەسپۋبليكاسىنداعى ادام قۇقىقتارى جونىندەگى ۋاكىل وكىلىنىڭ لاۋازىمى قازاقستان اۋماعىندا ادام جانە ازاماتتىڭ قۇقىقتارى مەن بوستاندىقتارىن مەملەكەتتىك قورعاۋدىڭ قوسىمشا كەپىلدىكتەرىن قامتاماسىز ەتۋ، سونداي-اق ۋاكiلدiڭ اتىنا اۋىلدىق جەرلەردە تۇراتىن ازاماتتاردىڭ قۇقىقتارىن قورعاۋداعى قول جەتىمدىلىگى ماقساتىندا قۇرىلعان.

ادامنىڭ جانە ازاماتتىڭ بۇزىلعان قۇقىقتارى مەن بوستاندىقتارىن قالپىنا كەلتىرۋ، قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جەتىلدىرۋ، وڭىردەگى ازاماتتاردىڭ قۇقىقتارى مەن بوستاندىقتارىن ىنتالاندىرۋ جانە ىلگەرىلەتۋ ماقساتىندا مەملەكەتتىك بيلىك ورگاندارىنا، قۇقىق قورعاۋ جانە سوت ورگاندارىنا جۇگىنۋ جونىندە كەڭ وكىلەتتىكتەر بەرىلگەن.

وكىلدەرگە قازاقستان رەسپۋبليكاسىنىڭ ازاماتتارى جانە ونىڭ اۋماعىندا ورنالاسقان شەتەلدىكتەر مەن ازاماتتىعى جوق ادامدار نەمەسە ولاردىڭ وكىلدەرى جۇگىنە الادى.

Abai.kz