جىل باسىنان بەرى رەسپۋبليكالىق ماڭىزى بار كۇرە جولداردا 4 مىڭنان استام اقاۋ جوندەلگەن.

بيىلعى جىلدىڭ 1 قاڭتارىنان 1 قاراشاسىنا دەيىنگى ارالىقتا جول اكتيۆتەرىنىڭ ۇلتتىق ساپا ورتالىعى رەسپۋبليكالىق ماڭىزى بار اۆتوجولداردان 5 مىڭعا جۋىق اقاۋ انىقتادى.

رەسپۋبليكالىق ماڭىزى بار اۆتوجولداردىڭ ۇلتتىق وپەراتورى («قازاۆتوجول» ۇك اق) بۇكىل اقاۋدىڭ 81% (4 مىڭنان استام) جويدى.

ماسەلەن، اقاۋلاردى ۋاقىتىلى جويۋ جۇمىستارى ر-4 «استانا-ەرەيمەنتاۋ-شىدەرتى»، «ششۋچينسك-زەرەندى»، «قىزىلوردا-پاۆلودار-ۋسپەنكا-رف شەكاراسى»، «سەمەي-قاينار»، «وسكەمەن-سەمەي» جانە باسقا كۇرە جولداردا جۇرگىزىلدى.

قالعان اقاۋلاردى بيىلعى جىلدىڭ سوڭىنا دەيىن جويۋ جوسپارلانىپ وتىر.

سونىمەن قاتار، «قازاۆتوجول «ۇك» اق تەحنيكالىق ساياسات جانە ساپانى باقىلاۋ دەپارتامەنتىنىڭ قىزمەتكەرلەرى قۇرىلىس-مونتاجداۋ جۇمىستارىنىڭ ساپاسىنا تىكەلەي جاۋاپتى تەحنيكالىق قاداعالاۋ قىزمەتتەرىنىڭ جۇمىسىن جوبانىڭ باسىنان باستاپ پايدالانۋعا بەرىلگەنگە دەيىن تۇراقتى نەگىزدە تەكسەرىپ تۇرادى.

دەپارتامەنت قىزمەتكەرلەرى، اتاپ ايتقاندا، ساراپشىلاردىڭ، زەرتحانالىق جابدىقتاردىڭ جانە تەحنيكالىق ەرەكشەلىككە سايكەس باسقا دا پۋنكتەردى قاداعالايدى.

بيىلعى جىلدىڭ 11 ايىندا تەحنيكالىق قاداعالاۋ قىزمەتىنە سالىنعان ايىپپۇلدىڭ جالپى سوماسى 100 ملن تەڭگەدەن استى.

Abai.kz