الماتى. 18 مامىر. قازتاگ - ديليارام اركين. «نەۆادا-سەمەي» انتيادرولىق قوزعالىس ليدەرى ولجاس سۋلەيمەنوۆ بىرنەشە يادرولىق وقتۇمسىقتاردى ساقتاپ قالىپ، ولاردى بۇۇ-نىڭ قاۋىپسىزدىك كەڭەسىنە «قورقىتاتىن پوليتسيالىق شوقپار» رەتىندە تاپسىرۋدى ۇسىنادى.
«بىزدەر يادرولىق قارۋدىڭ ۇلتتىق قورعانىس مارتەبەسى بولۋىنا قارسىمىز. ءبىز امەريكاندىق، فرانتسۋزدىق، نە ورىستىق، قىتايلىق نە اعىلشىندىق يادرولىق قارۋ بولعانىنا قارسىمىز. ءبىز يادرولىق ارسەنالدى قىسقارتىپ جويۋدى قولدايمىز. جانە بىرنەشە يادرولىق وقتۇمسىقتاردى ساقتاپ، ولاردى بۇۇ-نىڭ قاۋىپسىزدىك كەڭەسىنە پوليتسيالىق شوقپار رەتىندە، وسىنداي اسا قورقىنىشتى قارۋدى جاساعىسى كەلگەن ەلدەرگە قاۋىپ ءتوندىرۋ ءۇشىن تاپسىرۋدى ۇسىنامىز. مىنە سوندا جەر بەتىندە ناعىز قاۋىپسىز بەيبىتشىلىك باستالادى»، - دەپ ايتتى ول «نەۆادا-سەمەي» انتيادرولىق قوزعالىسىنىڭ 20 جىلدىق مەرەيتويىنا ارنالعان كونفەرەنتسيادا سويلەگەن سوزىندە.
انتيادرولىق قوزعالىس ليدەرىنىڭ ۇسىنىسىن «پاتريوتتار پارتياسىنىڭ» توراعاسى عاني قاسىموۆ تا قولدادى.
ونىڭ ايتۋىنشا، الەمدە يادرولىق جارىلىستار توقتاتىلعانىمەن، يادرولىق قارۋدىڭ تاراتىلۋ احۋالى بۇرىنعىسىنشا كۇردەلى بولىپ قالىپ وتىر.
«يادرولىق جارىلىستىڭ ناقتى قاۋىپى قىسقارعانىنا قاراماي، ول ساياسي تۇرعىدا وتە قاۋىپتى بولىپ قالىپ وتىر. ءالى يادرولىق قارۋ العىسى كەلەتىن ەلدەر بار، نە يادرولىق قارۋ ارسەنالىن كوبەيتىپ وتىرعان ەلدەر بار»، - دەدى ول ، قازاقستان يادرولىق سىناقتان باس تارتقان ءبىرىنشى ەل ەكەنىن اتاي وتىرىپ.

الماتى. 18 مامىر. قازتاگ - ديليارام اركين. «نەۆادا-سەمەي» انتيادرولىق قوزعالىس ليدەرى ولجاس سۋلەيمەنوۆ بىرنەشە يادرولىق وقتۇمسىقتاردى ساقتاپ قالىپ، ولاردى بۇۇ-نىڭ قاۋىپسىزدىك كەڭەسىنە «قورقىتاتىن پوليتسيالىق شوقپار» رەتىندە تاپسىرۋدى ۇسىنادى.
«بىزدەر يادرولىق قارۋدىڭ ۇلتتىق قورعانىس مارتەبەسى بولۋىنا قارسىمىز. ءبىز امەريكاندىق، فرانتسۋزدىق، نە ورىستىق، قىتايلىق نە اعىلشىندىق يادرولىق قارۋ بولعانىنا قارسىمىز. ءبىز يادرولىق ارسەنالدى قىسقارتىپ جويۋدى قولدايمىز. جانە بىرنەشە يادرولىق وقتۇمسىقتاردى ساقتاپ، ولاردى بۇۇ-نىڭ قاۋىپسىزدىك كەڭەسىنە پوليتسيالىق شوقپار رەتىندە، وسىنداي اسا قورقىنىشتى قارۋدى جاساعىسى كەلگەن ەلدەرگە قاۋىپ ءتوندىرۋ ءۇشىن تاپسىرۋدى ۇسىنامىز. مىنە سوندا جەر بەتىندە ناعىز قاۋىپسىز بەيبىتشىلىك باستالادى»، - دەپ ايتتى ول «نەۆادا-سەمەي» انتيادرولىق قوزعالىسىنىڭ 20 جىلدىق مەرەيتويىنا ارنالعان كونفەرەنتسيادا سويلەگەن سوزىندە.
انتيادرولىق قوزعالىس ليدەرىنىڭ ۇسىنىسىن «پاتريوتتار پارتياسىنىڭ» توراعاسى عاني قاسىموۆ تا قولدادى.
ونىڭ ايتۋىنشا، الەمدە يادرولىق جارىلىستار توقتاتىلعانىمەن، يادرولىق قارۋدىڭ تاراتىلۋ احۋالى بۇرىنعىسىنشا كۇردەلى بولىپ قالىپ وتىر.
«يادرولىق جارىلىستىڭ ناقتى قاۋىپى قىسقارعانىنا قاراماي، ول ساياسي تۇرعىدا وتە قاۋىپتى بولىپ قالىپ وتىر. ءالى يادرولىق قارۋ العىسى كەلەتىن ەلدەر بار، نە يادرولىق قارۋ ارسەنالىن كوبەيتىپ وتىرعان ەلدەر بار»، - دەدى ول ، قازاقستان يادرولىق سىناقتان باس تارتقان ءبىرىنشى ەل ەكەنىن اتاي وتىرىپ.