قازاقستان پرەزيدەنتى قاسىم-جومارت توقاەۆ سامارقاندتا ءوتىپ جاتقان سامميت بارىسىندا تۇركى مەملەكەتتەرىنىڭ ءىت-سالاسىنداعى قارىم-قاتىناسىن جانداندىرعان ءجون ەكەنىن ايتتى.

«سوڭعى كەزدە گەوساياسي احۋالعا بايلانىستى مەملەكەتتەر ءبىر-بىرىنەن تەحنولوگيالىق تۇرعىدان وقشاۋلانىپ جاتىر. تۇركى ەلدەرىنىڭ IT-سالاسىنا قاتىستى تىڭ تاسىلدەر ازىرلەۋى ايرىقشا ماڭىزدى. بۇل ءبىزدىڭ تسيفرلىق دامۋىمىزعا جول اشادى.

جۋىردا استانادا «Digital Bridge» اتتى حالىقارالىق ءىس-شارا ءوتتى. وندا ءىت-سالاسىندا جۇمىس ىستەيتىن كرەاتيۆتى جاستارىمىز باس قوسىپ، باستامالارى مەن وزىق يدەيالارىن ۇسىندى. سونداي-اق، مەملەكەتتەرىمىزدىڭ IT-حابتارى اراسىنداعى ءوزارا ءىس-قيمىل تۋرالى مەموراندۋمعا قول قويىلدى»، - دەدى مەملەكەت باسشىسى.

ول وسى رەتتە، استانا حاب حالىقارالىق تەحنوپاركى نەگىزىندە تۇركى مەملەكەتتەرى ۇيىمىنىڭ تسيفرلاندىرۋ ورتالىعىن قۇرۋدى ۇسىندى.

«بۇل قۇرىلىم ساۋدا، كولىك، سۋ رەسۋرستارى، اقپاراتتىق قاۋىپسىزدىك جانە باسقا دا سالالارعا قاجەتتى تسيفرلىق شەشىمدەر ازىرلەۋگە مۇمكىندىك بەرەدى.

وعان قول جەتكىزۋ ءۇشىن تۇركى ەلدەرىنىڭ ۆەنچۋرلىق قورىن قۇرعان ءجون دەپ سانايمىن. سول ارقىلى ماڭىزدى ستارت-اپ جوبالارعا ينۆەستيتسيا تارتۋعا جول اشىلادى»، - دەدى قاسىم-جومارت كەمەلۇلى.

Abai.kz