بۇگىن تۇستەنۋگە قالاداعى تۇرىكتىڭ كوپ "ديىرمەنىنىڭ" بىرىنە باس سۇقتىم. اس ءمازىرى ورىسشا. اۋقاتتانىپ العان سوڭ، ادمينيستراتورىن شاقىردىم. قازىر تالابىمدى قويماققا، سوتقا بەرەتىنىمدى ەسكەرتپەككە تاس-ءتۇيىن بولىپ وتىرمىن. تۇرىك جىگىتى كەلدى. تانىستىق. اتى يسمايىل ەكەن. "قازاقشا ءمازىر بار ما؟" دەپ ەدىم، "ارينە بار" دەپ قولىما ۇستاتا قويدى. كوپ ادامنىڭ قولى تيمەگەن كۇيى جاپ-جاڭا ءمازىر.

يسمايىل بىردەن باستىرمالاتىپ اكەتتى: مەنىڭ قازاقستانعا كەلگەنىمە التى اي عانا بولدى. بىزدە قازاقشا اس ءمازىرى بار. بىراق ونى ەشكىم سۇرامايدى. اپارىپ بەرسەك قازاقتاردىڭ ءوزى تۇسىنبەيمىز دەپ ورىسشاسىن تالاپ ەتەدى. سونداي جاعداي كوپ بولعان سوڭ، داياشىلار ورىسشا ءمازىردى ۇسىنادى، سۇراپ جاتسا قازاقشاسىن بەرەمىز. ءبىز زاڭدى سىيلايمىز،- دەپ بەتىمە قارادى.

باسىندا قازاقشا ءمازىر تالاپ ەتپەگەن قىلىعىما ءبىر، ءوز ءتىلىن كەرەك ەتپەگەن قانداستاردىڭ قىلىعىنا ەكى ىزا بولىپ: ءبارىبىر ءبىرىنشى كەزەكتە قازاقشا ءمازىردى ۇسىنۋعا مىندەتتىسىزدەر!،-دەدىم كۇشەنىپ.

قازاقشا اس مازىرىندە قاتە بار ەكەن، بىراق وعان دا تاعى يسمايىل ەمەس، ءوزىمىز كىنالىمىز عوي!

تۇرىك باۋىرعا رازىلىق ءبىلدىرىپ، كەتەردە بىرگە سۋرەتكە تۇستىك.

تۇرىكتىڭ اتاقتى ساتيريگى ءازيز نەسينشە ء"اي ءبىز ەل بولمايمىز مىنا تۇرىمىزبەن. وزىمىزدەن عوي ءبارى، وزىمىزدەن" دەپ كۇبىرلەگەن كۇيى كافەدەن شىعىپ كەتتىم.

دانەش اسقاربەكۇلى

Abai.kz