اقش-تىڭ NASA عارىش اگەنتتىگى فلوريداداعى كاناۆەرال مۇيىسىنەن تاريحتاعى ەڭ قۋاتتى SLS («عارىشقا ۇشىرىلىم جۇيەسى») زىمىرانىن ۇشىردى. بۇل ادامدى ايعا قايتارۋعا ارنالعان جاڭا امەريكالىق باعدارلاما – «ارتەميدا» (Artemis).

بۇل پيلوتسىز ۇشىرىلىم بولدى، ميسسيانىڭ ماقساتى – تەحنولوگيانى تەكسەرۋ جانە 2024 جىلى «ارتەميدا-2»-ءنى ەكيپاجبەن بىرگە ۇشىرۋ.

100 مەترلىك زىمىران كەلەشەكتە ىشىندە عارىشكەرلەر بولاتىن «وريون» كاپسۋلاسىن ايعا قاراي شىعارۋى ءتيىس. ادامدار سوڭعى رەت ايعا 1972 جىلى جەلتوقساندا «اپپولون-17» ميسسياسىنىڭ ۇشىرىلىمى كەزىندە قونعان ەدى.
جەلتوقسان ايىندا NASA «اپوللون-17» ۇشىرىلىمىنىڭ 50 جىلدىعىن اتاپ وتەدى.

ۇزاق ۇزىلىستەن كەيىن جانە تولىعىمەن جاڭادان جابدىقتالعان ايدىڭ جاڭا باعدارلاماسىنىڭ ءبىرىنشى ۇشىرىلىمى پيلوتسىز بولادى. ۇشىرىلىم تەحنولوگيالاردىڭ تيىمدىلىگىن تەكسەرۋگە باعىتتالعان.
بۇل – «ارتەميدانى» ۇشىرۋعا جاسالعان ءۇشىنشى ارەكەت. تەحنيكالىق سەبەپتەرگە بايلانىستى قىركۇيەك پەن قازان ايلارىندا ۇشىرىلىمدار كەيىنگە قالدىرىلعان ەدى. ينجەنەرلەر زىمىراننىڭ نەگىزگى ساتىسىنىڭ بارلىق ءتورت ۇلكەن قوزعالتقىشى ۇشۋعا تولىق دايىن ەكەنىنە سەنىمدى بولمادى.
بۇل جولى زىمىران كەننەدي عارىش ورتالىعىنان جەرگىلىكتى ۋاقىت بويىنشا 01:47-دە (گرينۆيچ بويىنشا 06:47) ۇشىپ كەتتى.
«وريون» كەمەسى 26 كۇن جولدا بولادى. ازىرلەۋشىلەر كەمەنىڭ مۇمكىندىكتەرىن تەكسەرە الۋى ءۇشىن ەكيپاجدىڭ 2024 جىلعى ميسسياسى 21 كۇنگە سوزىلادى دەپ بولجانۋدا.
ميسسيا كەزىندە اي بەتىنە ەڭ جاقىن قاشىقتىق – 100 كم، ەڭ الىس – 70 مىڭ كم. كەمە 11 جەلتوقساندا جەرگە ورالادى.

Abai.kz