يندۋستريا جانە ينفراقۇرىلىمدىق دامۋ ءمينيسترىنىڭ ورىنباسارى ەركەبۇلان داۋىلباەۆ سەناتتىڭ ۇكىمەت ساعاتىندا «7-20-25» باعدارلاماسىن جالعاستىرۋدى ۇسىندى.

«الداعى 7 جىل ىشىندە 111 ملن شارشى مەتر تۇرعىن ءۇي سالۋ جوسپارلانعان. ۇلەسكەرلىك تاسىلمەن سالىنۋى ءتيىس بولعان بارلىق پروبلەمالىق ۇيلەردىڭ قۇرىلىسى اياقتالادى.

اپاتتى جاعدايدا دەپ تانىلعان جانە توزىعى جەتكەن 40 مىڭعا جۋىق تۇرعىن ءۇي يەلەرىن جاڭا تۇرعىن ۇيمەن قامتاماسىز ەتۋ كوزدەلىپ وتىر»، - دەدى ءمينيستردىڭ ورىنباسارى.

سونداي-اق، ول جاپپاي تۇرعىن ءۇي قۇرىلىسى سالىناتىن القاپتاردا ينجەنەرلىك كوممۋنيكاتسيالار سالۋ جالعاساتىنىن اتاپ ءوتتى.

«ۇلتتىق بانكتىڭ «7-20-25» يپوتەكالىق باعدارلاماسى جالعاستىرىلادى.

تۇتاستاي العاندا، قابىلدانىپ جاتقان شارالار حالىقتىڭ قالىڭ جىگى ءۇشىن تۇرعىن ءۇيدىڭ قولجەتىمدىلىگىن قامتاماسىز ەتۋگە باعىتتالعان جانە جۇمىس ورىندارىن ساقتاي وتىرىپ، ەكونوميكانى، كاسىپكەرلىكتى دامىتۋعا وڭ اسەرىن تيگىزەدى»، - دەدى ۆيتسە-مينيستر.

Abai.kz