«روسسيا 1» تەلەارناسىنىڭ جۇرگىزۋشى ۆلاديمير سولوۆەۆ ءوز باعدارلاماسىندا ايتىلعان قازاقستان جايلى داۋلى مالىمدەمەگە قاتىستى پىكىر ءبىلدىردى، دەپ جازدى Ulysmedia.kz.

ول ءوزىنىڭ «سولوۆەۆ Live» اتتى باعدارلاماسىندا ساياساتتانۋشى دميتري دروبنيتسكيدىڭ رەزونانستى پىكىرىنە توقتالدى.

ارتىق ەموتسياعا بەرىلۋ ماعان جات نارسە. ول قازاقستان جايلى ءوز ويىن ايتتى. بىزدە ءسوز بوستاندىعى بار ەمەس پە. ونىڭ ۇستىنە دميتري دروبنيتسكي مەملەكەتتىك قىزمەتكەر ەمەس. ۇناسا دا، ۇناماسا دا ونىڭ ءوز كوزقاراسى بار، — دەدى ۆ. سولوۆەۆ.

ەسكە سالساق، رەسەيدىڭ "روسسيا-1" تەلەارناسىنىڭ "ۆەچەر س ۆلاديميروم سولوۆيوۆىم" توك-شوۋىندا باعدارلاما قوناعى قازاقستاندى «ۋكراينادان كەيىن كەزەكتە تۇرعان – پروبلەما»،-دەدى.

بۇل مالىمدەمە قازاقستاندىق ساياساتكەرلەردىڭ اشۋىن تۋدىردى. پارلامەت سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحاممەد سولوۆەۆتىڭ «ۋلى سىلەكەيىن شاشىپ جۇرگەنىن» ايتتى.

ال رەسەي پرەزيدەنتى ۆلاديمير ءپۋتيننىڭ ءباسپاسوز حاتشىسى "روسسيا-1" تەلەارناسىندا كورسەتىلگەن ساياساتتانۋشىنىڭ پىكىرى ەل بيلىگىنىڭ قازاقستانعا ساياسي ۇستانىمىن كورسەتپەيتىنىن مالىمدەدى.

Abai.kz