"سامۇرىق-قازىنا", "قازمۇنايگاز" جانە فرانتسيانىڭ Total Eren كومپانياسى قازاقستاننىڭ وڭتۇستىك-شىعىسىندا جەل پاركىن سالۋ تۋرالى كەلىسىمگە قول قويدى. ەكى ەل اراسىنداعى كەلىسىمگە قول قويۋ راسىمىنە قاسىم-جومارت توقاەۆ تا قاتىستى.

“قازاقستان رەسپۋبليكاسىنىڭ ەنەرگەتيكا مينيسترلىگى مەن فرانتسيانىڭ ەۋروپا جانە سىرتقى ىستەر مينيسترلىگى اراسىندا جامبىل وبلىسىندا قۋاتى 1 گۆت بولاتىن جەل ەلەكتر ستانتسياسىن سالۋ ماسەلەلەرى تۋرالى ۇكىمەتارالىق كەلىسىمگە قول قويىلدى. جەل ەلەكتر ستانتسياسى 2026-2027 جىلدارى پايدالانۋعا بەرىلەدى، بۇل ءبىزدىڭ ەلىمىزدەگى جەك نىساندارىنىڭ جيىنتىق ەنەرگيا ءوندىرىسىن شامامەن 50 پايىزعا ارتتىرادى. جوبانىڭ بولجامدى قۇنى – 1,9 ميلليارد دوللار”، – دەلىنگەن حابارلامادا.

مالىمەت بويىنشا، قازاقستاندا العاش رەت جەل ەلەكتر ستانتسياسى ەلەكتر قۋاتىن جيناقتاۋ جۇيەسىمەن تولىقتىرىلادى. بۇل جوبا جاڭارتىلاتىن ەنەرگيا ءوندىرىسىنىڭ تابيعي قۇبىلمالىلىعىن رەتتەۋگە، ارتىق ەلەكتر ەنەرگياسىن جيناقتاۋعا جانە ەنەرگيا جەلىسىنىڭ تۇراقتىلىعىن قامتاماسىز ەتۋگە مۇمكىندىك بەرەدى.

Abai.kz