اتىراۋ قالاسىنىڭ №2 سوتىنا باقىتگۇل حامەنوۆادان، ونىڭ ادۆوكاتى يگور ۆرانچەۆتان، ومىربەك اداموۆتان، ونىڭ ادۆوكاتى ك. اداموۆادان جانە اقىلبەك رىسقاليەۆتىڭ ادۆوكاتى نۇربول جولبولوۆتان اپەللياتسيالىق شاعىم ءتۇستى.

2022 جىلدىڭ 15 قاراشاسىندا اتىراۋ قالاسىنىڭ №2 سوتىندا وبلىس اكىمىنىڭ بۇرىنعى ورىنباسارى باقىتگۇل حامەنوۆاعا، وبلىستىڭ مادەنيەت باسقاماسىنىڭ بۇرىنعى باسشىسى اقىلبەك رىسقاليەۆكە جانە «بالقىتۋ» جشس ديرەكتورى ءومىرتاي اداموۆقا سوت ۇكىمى شىقتى.

سوتتالۋشى حامەنوۆاعا 7 جىل مەرزىمگە باس بوستاندىعىنان ايىرۋ جازاسى تاعايىندالدى. 2 جاس بالاسىنىڭ بولۋىنا بايلانىستى قىلمىستىق كودەكستىڭ 74-بابىنىڭ 1-بولىگىن قولدانۋ ارقىلى جازانى ورىنداۋ 3 جىلعا كەيىنگە قالدىرىلدى.

سوتتالۋشى رىسقاليەۆكە 7 جىل، سوتتالۋشى اداموۆقا 4 جىل مەرزىمگە باس بوستاندىعىنان ايىرۋ جازاسى تاعايىندالدى.

سوتتالۋشىلاردىڭ بارلىعى مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرىلدى.

Abai.kz