رەسەيدىڭ ۋكراينادان ۇرلاعان بيدايى شامامەن 1 ملرد دوللار تۇرادى، دەپ جازدى Ulysmedia.kz Bloomberg اگەنتتىگىنە سىلتەمە جاساپ.

NASA Harvest زەرتتەۋىنشە، ۋكراينانىڭ رەسەي باقىلاۋعا العان ايماعىندا بيدايدىڭ 6 ميلليون توننا ءتۇسىمى جينالعان. ماسكەۋ ول ايماقتاردى بيىل قازان ايىندا اننەكسيالاعانىن جاريالاعان.

ورتالىق ازيانىڭ جاڭالىقتار قىزمەتىنىڭ جازۋىنشا، ۋكراينانىڭ وككۋپاتسيالانباعان ايماعىندا بيىل 26 ميلليون توننادان استام بيداي جينالعان. بۇل الدىن الا بولجاعاننان الدەقايدا كوپ.

زەرتتەۋدە ايتىلعانداي، رەسەي كەمەلەرى ۋكراينادان شىعارىلعان بيدايدى يران مەن ليۆيا ەلدەرىنە ەكسپورتتاعان.

قازان ايىنىڭ اياعىندا Financial Times باسىلىمىنىڭ جۋرناليستەرى رەسەي ۋكراينادان شىعارىپ العان بيدايدى الەمدىك نارىققا ساتىپ جاتقانىن جازعان. وندا زاپوروجە وبلىسىنان شىققان جۇكتىڭ ەكسپورتتىق قۇجاتتارى وزگەرتىلىپ، رەسەيدىڭ تولياتتي قالاسىنان جۇكتەلگەنى جازىلعان.

جۋرناليستەردىڭ مالىمەتىنشە، سيريا ارقىلى شىققان كەمەدەگى بيداي تۇركيانىڭ حوپا پورتىندا ساتىلعان. وندا توقتاپ تۇرعان "پاۆەل" اتتى جۇك تاسۋشى كەمەنىڭ سۋرەتىن پورتتاعى جەرگىلىكتى شەنەۋنىكتەردىڭ ءبىرى الەۋمەتتىك جەلىگە جاريالاعان.

Abai.kz