استانا قالاسىنىڭ بۇرىنعى اكىمى التاي كولگىنوۆ پرەمەر-ءمينيسترىنىڭ ورىنباسارى قىزمەتىنە تاعايىندالدى.

2019 جىلدان بەرى باس قالانى باسقارعان كولگىنوۆتىڭ ورنىنا جەڭىس قاسىمبەك كەلدى.

التاي كولگىنوۆ ەلوردا اكىمى بولعان كەزدە، قالا استاۋى ەكى رەت اۋىستى، جىر بولعان LRT-نىڭ ماسەلەسى شەشىلمەدى.

ول بۇعان دەيىنگى قىزمەت جولىندا 2012-2013 جىلدارى - باتىس قازاقستان وبلىسى اكىمىنىڭ ورىنباسارى، 2013-2016 جىلدارى - ورال قالاسىنىڭ اكىمى، 2016-2019 جىلدارى - باتىس قازاقستان وبلىسىنىڭ اكىمى بولدى.

2000 جىلى - قازاقستان رەسپۋبليكاسىنىڭ قارۋلى كۇشتەرىندە قىزمەت ەتتى، 2001-2008 جىلدارى - قازاقستان رەسپۋبليكاسى ادىلەت مينيسترلىگى، مەملەكەتتىك قىزمەت ىستەرى اگەنتتىگى جانە باس پروكۋراتۋرا ورگاندارىندا ءار ءتۇرلى لاۋازىمدا قىزمەت اتقارادى.

2008-2010 جىلدارى - "الاشمەدياگرۋپپ" جشس باس ديرەكتورىنىڭ ورىنباسارى،

2010-2012 جىلدارى - قر پرەزيدەنتى اكىمشىلىگىنىڭ ايماقتىق-ۇيىمداستىرۋ جانە مەملەكەتتىك باقىلاۋ جۇمىستارى ءبولىمىنىڭ مەملەكەتتىك ينسپەكتورى قىزمەتىن اتقاردى.

التاي كولگىنوۆ وڭتۇستىك قازاقستان وبلىسى، سارىاعاش اۋدانىندا دۇنيەگە كەلگەن. ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىن، قر پرەزيدەنتى جانىنداعى مەملەكەتتىك باسقارۋ اكادەمياسىن، "بولاشاق" باعدارلاماسى بويىنشا ۇلىبريتانيادا ءبىلىم العان.

التاي كولگىنوۆ الەۋمەتتىك جەلىدە اسىرەسە Instagram مەن Twitter جەلىسىندە بەلسەندى. استانا اكىمدىگى اتقارىپ جاتقان كەيبىر شارالار اكىمنىڭ الەۋمەتتىك پاراقشاسىندا ءبىرىنشى جاريالاندى.

Abai.kz