پرەزيدەنت ەلدەگى ابدەن توزىعى جەتكەن 19 جەو-نى جوندەۋگە 90 ملرد تەڭگە جۇمسالاتىنىن ايتتى.

«مەنىڭ تاپسىرمام بويىنشا پرەزيدەنت اكىمشىلىگى جانىنان قۇرىلعان ارنايى كوميسسيا كەشەندى شارالار ازىرلەدى. سوعان سايكەس باقىلاۋ-قاداعالاۋ تەتىگىن كۇشەيتىپ، مەنشىك يەلەرىنىڭ جاۋاپكەرشىلىگىن جانە جالپى سالانىڭ تيىمدىلىگىن ارتتىرۋ قاجەت. كوميسسيا دۇرىس جۇمىس ىستەمەي تۇرعان 19 جىلۋ ەلەكتر ورتالىعىن انىقتادى. ولاردى شۇعىل جاڭعىرتۋ قاجەت. الدىن الا ەسەپ بويىنشا وعان شامامەن 90 ميلليارد تەڭگە كەرەك. بۇل قاراجات، ارينە، ەنەرگەتيكالىق كاسىپورىنداردىڭ تاريفتىك سمەتاسىندا ەسكەرىلگەنى ءجون»، – دەدى پرەزيدەنت.

مەملەكەت باسشىسىنىڭ سوزىنشە جەو-نىڭ ورتاشا توزۋ دەڭگەيى ەل بويىنشا 66%-عا جەتتى.

«ال كەيبىر قالالاردا 80%-دىق شەتىن دەڭگەيدەن اسىپ كەتكەن. جەو-لاردىڭ ۇشتەن ءبىرى جارتى عاسىردان استام ۋاقىت جۇمىس ىستەپ تۇر. شىعىس قازاقستان وبلىسىنىڭ ريددەر جانە شەمونايحا قالالارىندا جىلۋمەن جابدىقتاۋ جەلىلەرى تولىعىمەن توزعان»، - دەدى پرەزيدەنت.

Abai.kz