ۋكراينا قازاقستانعا قارسى جۇمىس ىستەپ جۇرگەن اگەنتتى اشكەرە قىلدى.

ۋكراينانىڭ «يششي سۆويح» دەپ اتالاتىن يۋتۋب كانالىنىڭ جۋرناليستەرى رەسەيدىڭ يمپەرشىل مۇددەسىن كۇيتتەپ جۇرگەن قازاقستاندىق بلوگەر انتون بۋداروۆتىڭ قۇپياسىن اشتى. ول الماتى قالاسىندا تۇرادى، گرۋزيا مەن قازاقستانعا قارسى پروپاگاندامەن شۇعىلدانىپ ءجۇر ەكەن. ءوزىنىڭ «جەمىستى جۇمىسىنىڭ» ەسەبىن جىل سايىن، قاراشا ايىندا بۋداروۆ سانكت-پەتەربۋرگكە بارىپ، فسب-عا بەرىپ كەلەدى. ۋكراينا جۋرناليستەرى بۋداروۆتىڭ قاي كەزدە، قانداي ۇشاقپەن ۇشقانى جونىندەگى مالىمەتتى تۇگەل جاريالادى. جۋرناليستەردىڭ ويىنشا، قازاقستان ازاماتى بۋداروۆ رەسەيدىڭ ارناۋلى قىزمەتىنىڭ (فسب) اگەنتى ەكەن. مىسالى، بۋداروۆ بىلتىر سانكت-پەتەربۋرگتەگى «موسكۆا» قوناقۇيىنىڭ 8067 نومىرىندە فسب-داعى ءوزىنىڭ كۋراتورىمەن كەزدەسكەن.

بۋداروۆ بيىل دا قاراشا ايىندا سانكت-پەرەتبۋرگكە بارىپ تاپسىرما العان سوڭ، تۋرا سول جاقتان گرۋزياعا وتكەن (20.11.2022). قازىر ول گرۋزيادا وتىرىپ الىپ قازاقستانعا قارسى يمپەرشىل پروپاگاندامەن شۇعىلدانىپ جاتىر.

وسى اقپاراتتى وقىپ الىپ ۋكراينا ءوزىنىڭ عانا ەمەس، قازاقستاننىڭ دا تاۋەلسىزدىگى ءۇشىن كۇرەسىپ جاتقانىن ءتۇسىندىم. ال قازاقتار «نەستەۆاتر؟» شوشقا تاعالاپ ءجۇر مە؟! ەح، ءبىر كەم دۇنيە....

وراز الىمبەك

Abai.kz