ەكىباستۇزداعى اپاتقا قاتىستى قىلمىستىق ءىس بويىنشا تەرگەۋدىڭ ءجۇرىپ جاتقانىنا ەكى اپتا بولعان.

«وسى اپاتتىڭ ءمان-جايى، كىنالىلەر انىقتالادى. قازىر ءىس بويىنشا بىرقاتار ساراپتاما بەلگىلەندى. جاقىن ارادا تولىق اقپارات الاسىزدار دەپ ويلايمىن»، - دەدى باس پروكۋروردىڭ ورىنباسارى جاندوس ومىراليەۆ.

ونىڭ ايتۋىنشا، قىلمىستىق ءىس بويىنشا ەكى ايعا دەيىن تەرگەۋ امالدارى جۇرگىزىلەدى. قازىرگى ۋاقىتتا پروكۋرور بۇل ىسكە قاتىستى سارالاۋ قورىتىندىسىن اياقتاماعان. سارالاۋ جۇمىستارىنان كەيىن كىنالىلەر انىقتالادى.

«ءتيىستى جۇمىستار اتقارىلعاننان كەيىن، ناقتى ادامداردىڭ اتى-ءجونى اتالادى»، - دەدى باس پروكۋروردىڭ ورىنباسارى.

ەسكە سالايىق، 27 قاراشادا ەكىباستۇز جىلۋ ەلەكتر ورتالىعىندا اپات بولىپ، قالا تۇرعىندارى جىلۋسىز قالدى. كەيىن جىلۋ قازاندىعىنىڭ ىستەن شىعۋىنا بايلانىستى وبلىس اكىمى باستاعان جەدەل شتاب قۇرىلدى. 28 قاراشا كۇنى تاڭەرتەڭ قالادا جەرگىلىكتى اۋقىمداعى توتەنشە جاعداي جاريالاندى.

Abai.kz