قاڭتار وقيعاسى بويىنشا مىڭنان استام ادامعا راقىمشىلىق جاسالدى. بۇل تۋرالى باس پروكۋراتۋرانىڭ ءبىرىنشى قىزمەت باستىعىنىڭ ورىنباسارى ەلدوس قيلىمجانوۆ ايتتى.

"قازىرگى كەزدە 1071 ادامعا راقىمشىلىق جاسالدى. اتاپ ايتقاندا، تەرگەۋ ورگاندارى سوتقا دەيىنگى كەزەڭدە ورتاشا اۋىر قىلمىس جاساعان 8 كۇدىكتىگە قىلمىستىق قۋدالاۋدى توقتاتتى. ال سوتتا توعىز ادامعا قىلمىستىق ىستەردى توقتاتتى. ۇكىم شىعارعان كەزدە 77 ادامنىڭ جازا مەرزىمى قىسقارتىلدى. سوتتار سونىمەن بىرگە 902 سوتتالۋشىنىڭ جازا مەرزىمىن قىسقارتتى. ونىڭ 827-ءسى ەسەپ بەرەتىن پروباتسيادان، ال 75-ءى جازادان بوساتىلدى" دەدى ەلدوس قيلىمجانوۆ.

ونىڭ ايتۋىنشا، وتكەن ايدا راقىمشىلىق زاڭ اياسىندا 60 ادام – تۇرمەدەن، 68 ادام پروباتسيالىق باقىلاۋدان بوساتىلعان.

ايتا كەتەيىك، بيىل قاراشادان باستاپ قاڭتار وقيعاسى كەزىندەگى قىلمىستىق قۇقىق بۇزۋشىلىق جاساعان ادامدارعا قاتىستى "راقىمشىلىق تۋرالى" قر زاڭىنىڭ ەرەجەلەرى كۇشىنە ەنگەن بولاتىن.

Abai.kz